Fíflagangur í vegagerð.

Hvernig á öðruvísi að fara en svona, þegar Vegagerðin er að gera kostnaðaráætlanir uppá ákveðnar fjárhæðir, en síðan er tilboðum tekið sem eru svo lág, að það sjá það allir sem sjá vilja að ekki er möguleiki að klára verkið á því verði. Þennan ljóta leik hefur Vegagerðin leikið árum saman og er Reykjanesbrautin ekkert einsdæmi um þennan fíflagang. Síðan tefjast verk vegna gjaldþrota verktaka og eru að lokum kláruð með ærnum aukakostnaði. Þegar upp er staðið standast engar áætlanir og kostnaðurinn verður hærri en í upphafi var ráðgert. Miklir snillingar hjá Vegagerðinni, svo sem sjá má á Grímseyjarferjuruglinu og fleiri verkum sem farið hafa langt fram úr áætlun. Er ekki kominn tími til að senda einhverja stjórnendur á eftirlaun hjá Vegagerðinni? Ég bara spyr. Það er komið nóg af svona fíflagangi. 

Slæmt ástand á Reykjanesbraut

Athugasemdir

[Edda Agnarsdóttir, 29.1.2008 kl. 19:41]

Eða bara Verktaka? Djöf.... komast verktakar upp með mikið!

[Halldór Egill Guðnason, 29.1.2008 kl. 19:46]

Já Edda, það má líka taka verktakana í gegn. Það er satt. Vegagerðin ætti hins vegar að vera búin að átta sig á þessu munstri eftir öll þessi ár. Andskotans endaleysa bara.

[Guðmundur Eyjólfur Jóelsson, 29.1.2008 kl. 20:19]

Það er ekki við verktakan sem fékk verkið að sakast heldur þann sem keypti Jarðvélar um mitt síðasta ár og þá strax tók maður eftir því að vélum fór fækkandi við verkið ,það er með öllu óskiljanlegt að hægt sé að kaupa án áræðanleikaskoðun fari fram þegar um svo stórar fjárhæðir er að ræða og þegar tekið er tillit til sögu þess sem kaupir þar ættu bankar að taka sig á.

[Ásdís Sigurðardóttir, 29.1.2008 kl. 21:35]

Margir verktakar haf til margra ára komist upp með ótrúlega framkomu við verkkaupa í ýmsum verkum og eins og það sé ekkert mál að fá sér bra nýja kennitölu, ef menn komast upp með það þá gera þeir það, því miður.

[Þorsteinn Valur Baldvinsson, 29.1.2008 kl. 23:52]

Það er auðvelt að skammast út í verktakana, en er ykkur kunnugt um að bak við flesta verktaka sem fara á hausinn, eru fjölmargir einstaklingar og fjölskyldur, sem jafnvel tapa öllu sýnu ævistarfi og eru dæmd úr leik í samfélaginu um ókomna framtíð, vegna ábyrgða sem fólkið hefur gengið í þarf að standa skil á.

Núverandi fyrirkomulag við útboð og samþykkt tilboða er siðlaust, og hefur alið af sér nokkra forherta kennitöluflakkara í verktakaiðnaði, sem kemur óorði á alla hina sem starfa heiðarlega.

[Halldór Egill Guðnason, 30.1.2008 kl. 00:08]

Þorsteinn, það eru svartir sauðir í verktakastéttinni, sem víðar. Eins og þú bendir réttilega á eru það hins vegar ekki alltaf þeir sem fara verst út úr gjaldþrotunum, þar sem margir hverjir þeirra stofna bara annað kompaní á nýrri kennitölu og halda ruglinu áfram. Þáttur Vegagerðarinnar er hins vegar alveg gjörsamlega óásættanlegur í þessu. Þar á bæ skildi maður ætla að komin væri einhver reynsla í þessu og hægur vandi að koma í veg fyrir þessa vitleysu. Ef áætlaður kostnaður við verk er 100 milljónir og þeir taka tilboði uppá 50 milljónir, eru þessir herrar ekki starfi sínu vaxnir, eins og komið hefur í ljós trekk í trekk. 

[Þorsteinn Valur Baldvinsson, 30.1.2008 kl. 01:00]

Stærsta vandamálið er samt að engin er ábyrgur fyrir neinu hjá því opinbera, þeir geta hagað sér eins og skepnur, en sæta aldrei neinni ábyrgð né eru skaðabótaskildir fyrir neinu.