Matarþörf í Kína.

Eftir dvöl sína í Shanghai í Kína, hefur Tuðarinn pínulítið verið að leika sér að tölum varðandi þessa ótrúlegu borg. Þrjátíu milljónir manna þurfa eitthvað að borða. Hver manneskja þarf að lágmarki 4-500 grömm á dag (Mjög pent reiknað) Segjum 500 grömm á mann. Það gera fimmtán þúsund tonn, eða fimmtán milljón kíló. Á dag, nota bene! 365 dagar í árinu sem gerir hvorki meira né minna en 5.475.000.000.- kíló, eða fimm milljónir fjögur hundruð sjötíu og fimm þúsund tonn, í Shanghai einni saman. Samkvæmt þessu þarf þjóðin öll u.þ.b. 650.000.- tonn af mat á dag. (1,3 milljarðar manna) eða 237.250.000.- tonn á ári!!! (237.250.000.000.- kíló) Þetta er enginn smá hellingur. Síðan þarf að losna við þetta allt saman aftur til baka og það er nú heldur enginn smá hellings hellingur af ullabjakki. "Það held ég nú bara".  

Athugasemdir

[Anna Einarsdóttir, 23.1.2008 kl. 16:41]

  Mér er illt.  Ég sem var búin að ákveða að fá mér kaffi og vínarbrauð en nú langar mig ekki í neitt. 

Á mig herjar magapína
þegar minnist þú á Kína

....... og botnaðu svo !

[Halldór Egill Guðnason, 23.1.2008 kl. 16:48]

Tuðarinn sprengdi tölvuna sína,

við að reikna út sullið fína.

[Hrönn Sigurðardóttir, 23.1.2008 kl. 19:36]

sjúkkett að nokkrir kínverjar eru svangir..........

[Edda Agnarsdóttir, 23.1.2008 kl. 20:39]

Góður áburður enda hafa Kínverjar verið sæmilega sjálfbærir!

[Ásdís Sigurðardóttir, 23.1.2008 kl. 21:51]

Obb bobb bobb.  Er ekki svöng akkúrat núna.

[Huld S. Ringsted, 23.1.2008 kl. 22:14]

Eftir lestur þessara útreikninga langar mig aldrei aftur í mat mæli með lesningu á þessu fyrir þá sem langar í megrun

[Halldór Egill Guðnason, 23.1.2008 kl. 23:38]

Átti nú bara að vera svona vangaveltur um magn, en endað kannski svona frekar "sjabbÝ". Það er reyndar með þetta eins og annað, að það sem fer inn, eða upp, kemur yfirleitt út, eða niður.Pólitík ekki undanskilin.