Hinn svarti dagur dómaranna.

Látum nöfnin þeirra standa í svörtu  í allan dag á bloggsíðum okkar. Þau tala fyrir sig sjálf verkin þeirra. Og við erum með þögla yfirlýsingu um hvað okkur finnst um þau.

Það voru hæstaréttardómararnir; Gunnlaugur Claessen, Garðar Gíslason, Ingibjörg Benediktsdóttir, Markús Sigurbjörnsson og Ólafur Börkur Þorvaldsson sem sáu ástæðu til að milda dóm nauðgarans úr 4 árum, sem var dómur héraðsdóms, í 3 1/2 ár.

Hvar stendur þjóð sem skynjar ekki réttlæti sitt og traust á þeim sem eiga að fylgja því eftir???

Ég ætla að láta þessi nöfn og spurningu mína standa hér í dag með stórum svörtum stöfum. Vona að fleiri geri slíkt hið sama á sinni bloggsíðu undir yfirskriftinni

Hinn svarti dagur Dómaranna.

Athugasemdir

[Marta B Helgadóttir, 17.9.2007 kl. 10:22]

Sammála þessu.

[Hrönn Sigurðardóttir, 17.9.2007 kl. 11:29]

Sammála

[Marta B Helgadóttir, 17.9.2007 kl. 11:35]

Halldór, á forsíðu DV í dag er sagt frá því að maðurinn sé farinn úr landi!  Farbann sem hann var úrskurðaður í, rann út áður en Hæstiréttur staðfesti dóminn yfri honum. Lögmaður hans segir að hann sé  "í fríi" erlendis.  Hvernig samfélagi búum við í, hvernig dómskerfi er það, þar sem fádæma hrottaskapur er ekki tekinn alvarlegar en svo að menn fá svo bara að skreppa í frí  Þessi portúgali mun auðvitað aldrei koma til Íslands aftur og aldrei afplána dóminn.

Einn bloggari Árni Gunnarsson (bloggheitið hans er reykur) stillti dæminu upp svona:

13 mánuðir fyrir kjötlæri, enda úrbeinað  

3 1/2 ár fyrir kvenskrokk,

Sjálf vil ég bæta við, að annað stykkið hefur sál og hitt ekki. Það mætti leggja þá gátu fyrir þessa dómara sem hér eiga í hlut, er ekki viss um hvort þeir myndu skilja gátuna.

[Halldór Egill Guðnason, 17.9.2007 kl. 11:42]

HVað er hægt að segja.....? Best að halda aftur af sér, það er ekki prenthæft.

[Anna Einarsdóttir, 17.9.2007 kl. 18:27]

Það á að gelda svona menn......  ef það væri refsingin, myndu þeir kannski hugsa sig um áður en þeir eyðileggja sálir.

[Halldór Egill Guðnason, 17.9.2007 kl. 21:22]

Mannvonskan á sér engi takmörk og brýst fram, þó vitað sé hver refsingin er, því miður. Eins og áður er sagt, ætla ég að sitja á mér með stóru orðin, en þetta er skelfilegt. Hef sjálfur þurft að horfa uppá aumingjaskap Hæstaréttar Íslands, þegar eitt barna minna var næstum því myrt fyrir nokkrum árum og níðingurinn slapp með þriggja ára afplánun, eftir að hafa verið dæmdur í sjö ára fangelsi í Héraðsdómi, en Hæstiréttur sá ástæðu til að milda dóminn um eitt ár, svona uppá "goodwill".

[Anna Einarsdóttir, 17.9.2007 kl. 21:34]

smjúúúúúúts !

[Steinunn Ólína Þorsteinsdóttir, 18.9.2007 kl. 06:21]

Hvenær ætliði að flytja af landi brott? þetta er Ísland í dag!

[Steinunn Ólína Þorsteinsdóttir, 18.9.2007 kl. 06:25]

Þá er ég ekki að segja að BNA séu paradís á jörð...en einhverstaðar hlýtur siðmenningin að vera.

[halkatla, 18.9.2007 kl. 07:50]

ég var að lesa það sem þú skrifaðir hjá Guðmundi Líndal, fannst það alger snilld. Þú snerir á hann að vissu leyti. Knús