Ljósálfar í Miðengi !

Var staddur á ættarmóti að Miðengi í Grímsnesi um nýliðna  helgi. Góð mæting og mjög gaman. www.midengi.is Var rétt í þessu að horfa á Magnús Skarphéðinsson sýna myndir af "ljósálfum" frá Miðengi í Kastljósi Sjónvarpsins og sá ekki betur en einn frænda minna væri með á myndinni. Ekki urðu menn hins vegar mikið varir við "ljósálfa" um helgina en fífa fauk þar hins vegar talsvert um. Sá hins vegar þegar rökkva tók, hest sem bar við síðustu skímu dagsins og sat heillaður um stund og naut augnablikksins. Hvort hestur þessi var köflóttur (Eins og Brattur bloggvinur minn kallar það), teinóttur eða annars litar sá ég ekki, en "mótífið" var fallegt og þögnin þægileg. Myndin frekar óskýr og vil byðja Magnús og co að grípa þetta nú ekki á lofti og fara að ræða um draugahesta í Miðengi. "Ljósálfar" duga alveg.   

Athugasemdir

[Anna Einarsdóttir, 31.7.2007 kl. 20:52]

Flottur draugahestur í Miðengi. 

[Karl Tómasson, 31.7.2007 kl. 22:40]

Ég sé hokinn mann með staf á myndinni. Halldór talar um hest. Magnús í málið strax eða bara Össur bróðir. Samfylkingin sér drauga í öllum hornum.

Myndin er frábær.

Kær kveðja frá Kalla Tomm.

[Marta B Helgadóttir, 1.8.2007 kl. 03:00]

Frábær mynd

[halkatla, 1.8.2007 kl. 10:25]

þetta var geggjað í Kastljósinu, og flott að þú tengist þessu

[halkatla, 1.8.2007 kl. 10:26]

líka mjög töfrandi mynd

[Edda Agnarsdóttir, 1.8.2007 kl. 12:18]

Já myndin er góð og skemmtilegt að fantasera með hugmyndir Magnúsar, það er eitthvað sem hreyfir lítið við mér öðruvísi en til að grínast með.