Sms hátíð-Foreldrar

Blaðamenn virðast vera svo sveltir af fréttaleysi þessa dagana að þeir eru farnir að búa til fréttir fyrirfram! Er starfskynning í gangi á Mogganum, eða er gúrkan alveg að drepa menn þar á bæ? Blessað fjölmiðlaliðið hefur ekki enn fundið sms hátíðina sem básúnað var um fyrir skömmu síðan, svo nú verður sennilega hvergi vært fyrir "væntanlegum sms hátíðum". Hver einasti mannfögnuður, erfidrykkja, saumaklúbbur og samkoma útmáluð sem væntanleg sms samkoma og löggan á milljón við að færa mannskap og þyrlur á milli staða til að koma í veg fyrir ósómann. Besta mál að hafa gæsluna í lagi, en þessi fréttamennska er ....cheep! svo ekki sé meira sagt. Unglingar eru langflestir hið besta fólk. Meðal þeirra leynast svartir sauðir, alveg eins og meðal okkar gamlingjanna, en svona dómharka fyrirfram er illlíðanleg (þrjú ell) í virtum miðlum. Virðugleikinn dofnar hratt, ef þetta er frétt. Frétt er eitthvað sem er að gerast, eða er þegar orðið, ekki eitthvað sem kannski verður um næstu helgi.... eða ekki. Það er síðan foreldra að haga sér eins og fólk, en ekki barnanna, þegar kemur að útihátíðum og öðrum viðburðum. Þeir eiga að hafa vit á því að hafa hemil á börnum sínum. Ef foreldrar telja sig ekki geta haft stjórn á börnum sínum, er það þeim sjálfum að kenna og sennilega rétt að byrja strax á að benda ungu barnlausu fólki á að, ef þau telji að skóli og ríki eigi alfarið að ala upp börnin þeirra, sé sennilega best að klippa á eistnalippur og eggjaleiðara strax á morgun. Þannig verði lífið "carefree" og engar áhyggjur af útihátíðum eða barnabörnum, ....ever.  

Fjöldi unglinga stefnir á Írska daga

Athugasemdir

[Anna Einarsdóttir, 9.7.2007 kl. 16:40]

Ég var ein af unglingunum sem fór á Lopapeysuna 2007 á laugardagskvöldið.  Ekki veit ég hvað var margt á ballinu en hef heyrt talað um 2.000-2.500 manns og ég sá ekki ein einustu slagsmál þar..... allir bara glaðir og kátir og fólk á öllum aldri.  Svo komu fréttirnar daginn eftir og þá hafði ég verið á einhverri rosa subbusamkomu.   Maður skilur ekki allt. 

[Halldór Egill Guðnason, 9.7.2007 kl. 23:22]

Sér maður nokkuð, í lopapeysu innan um 2000 - 2500 manns? Gott að þetta var ekki eins slæmt og af er látið. Fjölmiðlar urðu jú að fullkomna fréttina með einhverju móti. Þeir voru búnir að gera þetta að skítasamkomu löngu áður en hún hófst. Bölvaður "asnagangur" hjá þeim.