´´ Skyndilegur ´´ orkuskortur.

 Það er dulítið magnað að fylgjast með umræðunni um skyndilegan og að því er virðist ófyrirséðan orkuskort á Íslandi. Orkuskiptakjaftæði hefur tröllriðið umræðunni undanfarið og Ísland á að vera orðið óháð jarðefnaeldsneyti innan nokkurra áratuga..... Hugmynd sem er svo geggjuð og óraunhæf, að engu tali tekur. 

 Orkuskipti, orkuskipti, hamfarahlýnun af mannavöldum, hamfarahlýnun af mannavöldum og allt það jarí, jarí. 

 Draumsýn bjàlfa, sem hafa enga jarðtengingu, hefur verið hampað af pólitískum populistum og selst býsna vel, en nú er skyndilega ókleifur múr fyrir dyrum. Það vantar rafmagn! Hvern vantar svona mikið rafmagn? Orkuheidsalaafæturnar, eða almenning? Hvor hópurinn er mikilvægari? Afæturnar eða þeir sem eiga orkuna?

 Hver á fætur öðrum ryðjast populistarnir og eiginhagsmunaseggirnir fram á vitskertan vígvöll orkuskiptanna og heimta í skjóli óraunhæfra og galgopalegra yfirlýsinga fjörtíu þúsund fíflanna í París þess, að virkjað verði að minnsta kosti hundrað megavött á ári, svo hægt sé að standa við parísarþvæluna, fram á miðja þessa öld.

 Núverandi ráðherra umhverfismála er ekki ýkja trúverðugur í þessu kjaftæði og passar sig á að tala mikið, án nokkurs innihalds um þessi mál, frekar en aðrir amlóðar í pólitískum populista stöðum, með lífstíðarþægindum þeim öllum, sem virðist fylgja því að ´´bera pólitíska ábyrgð´´. 

 Góðar stundir, með kveðju að sunnan.

 

Ísland geti enn staðið við markmið sín