" Lágmynd" (Jólakveðja)

 Þú veist ei neitt, hvað verður eða fer,

þín vitund hnípir blind á opnu sviði.

Þú sást það eitt, að sólin reis og hneig,

en samt stóð tíminn kyrr, þótt dagur liði.

 

 Sem sandur rynni gegnum barnsins greip,

var gildi alls í koti jafnt sem höllu.

Og slóðin, sem þú raktir langa leið,

er loksins horfin þér að fullu og öllu.

 

 Svo situr þú hjá líki liðins dags,

hver draumur vöku og svefns burtu máður.

Um djúp þíns hugar flýgur svartur fugl,

framandi, þögull, engri minning háður.

 Steinn Steinarr.

 Fæ tár í augun við lestur svona orðsnilldar.

 Eigið gleðileg jól og farsæld á nýju ári, vinir, velunnarar, fjölskylda og einnig þeir sem finnst ekkert í mig varið.

 Góðar stundir, með jólakveðju að sunnan. 

 

 

Athugasemdir

[Ómar Geirsson, 23.12.2018 kl. 23:06]

Jólakveðja að austan Halldór, og vonandi er hún ekki minna virði þó mér finnist í þig varið.

Kveðja að austan.

[Ómar Geirsson, 23.12.2018 kl. 23:07]

Og takk fyrir Steinar.

[Halldór Egill Guðnason, 28.12.2018 kl. 23:24]

Takk fyrir innlitið Ómar.