Hafi Helgi Magnús þökk fyrir!

 Það er ekki öllum gefið að koma orðum að skoðunum sínum, eða áliti. Hvað svo sem aðrir segja, eru orð hans varðandi klausturmálið, eins og töluð úr mínum munni. Ég á ekki alltaf, frekar en svo margir, auðvelt með að koma orðum að því sem ég ber í brjósti og því vil ég þakka Helga fyrir að gera það fyrir mig. Sannarlega orð í tíma töluð. Takk Helgi Magnús! Þú átt heiður skilinn fyrir þorið.

 Góðar stundir, með kveðju að sunnan.

Viðbrögðin jafn vitlaus og ummælin

Athugasemdir

[Guðlaugur Guðmundsson, 16.12.2018 kl. 23:13]

Ég tek undir allt sem Helgi Magnús segir í pistli sínum og hafi hann þakkir fyrir framtakið. Því miður erum við stödd í landi hinna hreintrúuðu sem m.a. ráða ríkjum á RÚV.

[Halldór Egill Guðnason, 16.12.2018 kl. 23:55]

 Takk fyrir þetta, Guðlaugur. Við undirsátarnir höfum í það minnsta eignast mann sem þorir og hann á heiður skilinn. 

[Arnór Baldvinsson, 17.12.2018 kl. 02:06]

Sæll Halldór,

Þetta er bara ekki pólitískt mál.  Það er búið að GERA það pólitískt, m.a. með þessari grein, en þetta er ekki pólitískum heldur siðferðislegt. 

Ég hef stutt Sigmund og hafði mikla trú á Gunnari Braga.  Fannst ómaklega gefið að Sigmundi í Wintris málinu og hef alltaf haft góðan bifur á Gunnari.  Verið miðjumaður, en kannski hallast svolítið til hægri með aldrinum.  En þessi framkoma, þetta rugl, fullir eða ófullir, er algjörlega, gjörsamlega óafsakanleg framkoma!  Þetta eru ALÞINGISMENN, ekki bara Pétur eða Páll af götunni!  En siðferðiskennd flestra Íslendinga virðist hafa gufað upp það sem af er 21. öldinni, svo það heyrir þetta enginn lengur.

Kveðja,

[Helga Kristjánsdóttir, 17.12.2018 kl. 08:42]

Sæll Arnór, varð málið pólitískt með grein Helga? Aldeilis ekki,hópur andstæðinga Miðflokksins bruggaði ráð með leynilegri upptöku af samtölum þingmanna þeirra,sem er gróft mannréttindabrot,um leið og það er framið í pólitískum tilgangi. Það er dómur þinn(ofl)sem er rugl,jafnvel þótt þú leitist við að gera hann marktækari með fyrrum dálæti þínu á ákveðnum mönnum Miðflokksins. -Dæmi; omaklega gefið í Wintris málinu og alltaf góður bifur á Gunnari Braga. Rugl að gera viðstadda ábyrga fyrir gífuryrðum þeirra orðljótustu. Hvernig geta menn vitað hvers vegna þeim varð svo heitt í hamsi?! Það gæti e.t.v.skýrst betur með því að fá að heyra myndbandið í heilu lagi.

Það er markvisst reynt að koma Íslands eldhuganum Sigmundi frá í pólitík,eins og dæmin sanna. Spurning hvort 10 ára þreyta fórnarlamba aðgerðarsinna drífur ekki menn í gulu vestin?!!

[Marta B Helgadóttir, 17.12.2018 kl. 15:18]

Þetta mál allt minnir mig á söguna um keisarann sem var ekki í neinum fötum og kenndi svo barninu um sem benti stöðugt á hann.

[Kolbrún Hilmars, 17.12.2018 kl. 15:19]

Vararíkissaksóknari talar.  Sem þekkir gildandi lög og mannréttindasáttmála jafnvel og hæstaréttardómarar.  Tökum mark á því. 

[Halldór Egill Guðnason, 17.12.2018 kl. 22:49]

 Þakka ykkur öllum innlitið. Óska ykkur og þjóðinni allri gleðilegrar jólahátíðar, árs og friðar, með klausturlausu upphafi á nýju ári. Farinn í sólina fyrir sunnan;-)