Íbúðir í kortunum.

 Borgarstjóraónefnan í Reykjavík hefur með þessari nýjustu kynningu sinni bætt enn og aftur við listann, af öllu því húsnæði sem lofað hefur verið, en ekki verið byggt ennþá. Endalaust bla bla jarí jarí og lítið sem ekkert að gerast. "Hagkvæmar íbúðir"? Hvað þýðir það nákvæmlega? Það er ekkert útskýrt. Samkvæmt reglugerðarugli frá drulluseli í Belgíu kostar formúu að byggja hvern fermeter íbúðarhúsnæðis. Orðagjálfur eins og hagkvæmar íbúðir eða blágrænar niðurfallslausnir hafa enga þýðingu fyrir venjulegt fólk, nema með fylgi hvað verið er að tala um og hvað það kostar.

 Hagkvæmar íbúðir hljóta að vera þær sem reistar eru á ódýrum lóðum og þar sem minnstu er varið í þvælu, sem engin not eru fyrir, eins og t.a.m. 30cm útveggi. 

 "Blágrænar niðurfallslausnir" eru síðan nafnóbermi sem aðeins veruleikafyrrtum rugluhausum dytti í hug. Lausnin er aðallega fólgin í því að allt vatn sem affallskerfi ráða ekki við, sígi á einhvern "blágrænan" hátt út úr ábyrgð þeirra sem skipuleggja eiga fráveitur! Með kynningunni, sem sauðslegir "fjölmiðlar" apa upp, er fólki talin trú um að yfirborðsvatn geti bara svona horfið, hókus pókus ofan í jörðina, ef aðeins er rist renna í landslagið. Til að þetta kerfi gangi upp þarf ótal drenlagnir og fráveitukerfi neðanjarðar, en krulla kjána og holuhjálminum tekst ávallt að skauta fram hjá að nefna það. Vatnið hverfur jú víst bara sísona ef stefna borgarinnar heitir blágræn. Hvert það fer, kemur bara í ljós. Gæti jafnvel endað með kúknum í Frostaskjólinu. "Who knows"?

 Þvílíkir andskotans bjálfar!

 Góðar stundir, með kveðju að sunnan. 

500 hagkvæmar íbúðir í kortunum

Athugasemdir

[Sigurður Kristján Hjaltested, 17.3.2018 kl. 06:51]

Tek undir hvert einasta orð hjá þér. 

Miðað við ruglið og bullið sem kemur frá þessum

vonlausasta meirihluta sem Reykvíkngar hafa fengið yfir sig,

er alveg stórfurðulegt að það sé virkilega til fólk sem

vill kjósa þennan óskapnað yfir sig.

Það er greinilegt að heilaþvotturinn skilar sér.

M.b.kv.