Ömurlegt, ömurlegt, ömurlegt!!!

 Það er ömurlegt að sjá hvernig verið er að eyðileggqja þetta svæði. Þær byggingar, sem þarna er verið að byggja, eru að mínu mati einhver almesti ófögnuður, sem sprottið hefur upp úr jörðinni, í húsagerð. Trauðla er hægt að kalla þetta húsagerðarlist, svo forljót, steingeld og fráhrindandi eru þessi fuglabjörg úr steinsteypu og gleri, sem núverandi borgarstjórn hefur gefið leyfi fyrir.

Borgarstjórn fagurgalans og kjaftæðisins undanfarin tæp átta ár, hefur hér toppað bullið og þvæluna úr sjálfri sér. Hún hefði betur úthlutað lóðum til almennings, víðar um borgina, en það gat hún ekki. Steinrunninn sjálfselskuklúbbur, lattelepjandi sveimhuga, sem dreymir allar nætur um göngu og hjólastíga, milli þess sem þeir ganga á borgarlínu, sparka í bíla og dæla mannaskít í sjóinn. Á daginn eyða þeir annara manna fé í dellu og eru komnir vel á veg með að gera Reykjavíkurborg gjaldþrota. 

 Déskotinn bara, að horfa upp á þennan ófögnuð.

 Góðar stundir, með kveðju að sunnan.

 

 

Tóku í notkun nýja Geirsgötu

Athugasemdir

[Sigurður Kristján Hjaltested, 10.11.2017 kl. 00:10]

Þarf ekkert við þetta að bæta.

Orð að sönnu.

[Jóhann Elíasson, 10.11.2017 kl. 09:32]

Dóri, ertu eitthvað farinn að meirna með árunum?????

[Halldór Egill Guðnason, 10.11.2017 kl. 18:38]

Nei Jóhann minn. Ég verð seigari með hverju árinu sem líður og tuðið mun ekkert gera annað en eflast, til hinsta dags.

[Jóhann Elíasson, 10.11.2017 kl. 20:39]

Ég er ekki alveg sannfærður, því hérna áður fyrr veit ég að þú hefðir notað MUUUUN sterkari lýsingarorð og þau hefðu ÖÖÖLL verið í efsta stgi.

[Jón Steinar Ragnarsson, 11.11.2017 kl. 19:26]

Þú munt nú ekki ná Jóhanni Halldór, sem skrifar bloggin sín fetletruð í hástöfum þars sm þriðjungur textans eru upphrópunarmerki. :D

Kvitta annars hjartanlega undir þennan yfirvegað pistil þinn. :)

[Halldór Egill Guðnason, 13.11.2017 kl. 18:21]

Jón Steinar, ég held að Jóhann slái bara svona fast á lyklaborðið.