Trúfélög, stjórnmálaflokkar og opinberir styrkir.

 Það er ekki laust við að sjóði á manni, við að lesa um svona sóun á almannafé, sem þessi rúmlega fimmtíu milljóna greiðsla er, til þessa skrípasafnaðar. Hvaða jólasveinn sem er, getur samkvæmt þessu, ef hann fær nógu marga vitorðsmenn með sér, lagst á spena alþýðu þessa lands, sem snýkjudýr. Fengið að launum milljónatugi, sem aldrei verða til úr öðru en vinnu launafólks og þeim gjöldum sem á það er lagt, til hins opinbera. Fjármunasóunin innan ríkisgeirans er sennilega svo mikil, að duga mundi fyrir hátæknisjúkrahúsum í öllum landsfjórðungum. Milljarðatugir leka um allt í alls kyns þvælu, eins og þessa. Kerfið er farið að éta sig innan frá, í óskiljanlegu ruglregluverksbulli og embættismannafrumskógi, þar sem smákóngar og kerfissérfræðingar þræða þrönga stigu regluverksins og finna ávallt leiðir framhjá, eða kringum.

 Þetta á ekki eingöngu við um þetta zúzú kjaftæði, eða önnur svokölluð trúfélög, heldur stjórnmálaflokka einnig. Hvers vegna á alþýða þessa lands, að fjármagna rekstur stjórnmálaflokka, í sveita síns andlits? Hvaða endemis rugl er þetta eiginlega? Hvers vegna í ósköpunum á almenningur, með sköttum sínum, að fjármagna stjórnmálaflokka?

 Stjórnmálaflokkar og trúfélög eiga að vera fjármögnuð af þeim, sem vilja fylgja þeim. 

 Ef fólk vill fylgja politískum stefnum, eða trúarskoðunum, á það að taka þátt í rekstrinum, hugsjónum sínum til framdráttar. Ef ekki, getur varla verið um mikla hugsjón að ræða.

 Ef hugsjónin stoppar í buddunni, er lítið varið í málstaðinn. Ef þú tímir ekki að vera kommi eða krati, zúzúzú, kristinn, múslimi eða hvað sem er, ertu hræsnari, því með því hefur þú gefið það út, að það sem þú aðhyllist, viltu að aðrir greiði fyrir. 

 Einnig þeir, sem eru ekki á sömu skoðun og þú.

 Hræsni andskotans og auðvirðileg lífssýn.

 Svona svipað og nauðbeygð áskrift að rúv.

 Góðar stundir, með kveðju að sunnan.

Zuistar gáfu Barnaspítala milljón

Athugasemdir

[Helga Kristjánsdóttir, 27.10.2017 kl. 05:43]

Stjórnálaflokkur Borgarhreyfingar var ekki gömul er hún fékk peningaúthlutun ríkisins samkvæmt lögum,sem þau síðan deildu um er flokkurinn skiptist í tvo hluta,annar varð að Hreyfingu,en fylgdidst þá ekki meira með.

[Sigurður Antonsson, 27.10.2017 kl. 08:08]

Það er hiti í kolunum. Stjórnmálin eru komin inn á ískyggilega braut með styrkjum af skattfé og stuðningi við þá sem ættu að getað bjargað sér. Margir smáflokkar gera út á ríkisfé og misnota það. Misskilin góðsemi.

Líklega eru stjórnmálamenn ekki enn farnir að átta sig á hlutunum. Kosningar nú gætu ýtt við mönnum. Sjáum hvað kemur á eftir þessari rauðu lægð sem nú gengur yfir.