Samreisn?

Það slitnar ekki slefan á milli forkólfa Vireisnar og Samfylkingarinnar, þessa dagana. Varla flettandi blöðum öðruvísi en lesa fréttir af Viðreisnarburgeisum að skrifa undir innantómt loforðakjaftæði og lygaplögg með antíbílistanum, eða þá núna þetta! Fyrrum einsatkvæðisformaður einsmálsflokksins orðinn formaður Tryggingastofnunar. Bíðið nú aðeins hæg. Formaður? Annað hvort er blaðasnápurinn sem reit þessa frétt kjáni, eða Árni Páll orðinn formaður Tryggingastofnunar. Er hann þá forstjóri? Nei, hann er sennilega titlaður formaður stjórnar Tryggingastofnunar og þar af leiðand stjórnarformaður, ekki satt? Hvað um það.

Það er grugg í pípunum meðal Viðreisnar og deginum ljósara að þar á bæ ætla menn sér í borgarstjórn í næstu kosningum, með samfó og síðan taka landið allt í næstu þingkosningum, einnig með samfó. Sennilega verður Skrækur Skellibjalla helsta tromp Viðreisnar í borgarstjórnarkosningunum, ef að líkum lætur, mávunum á Tjörninni til mikils hugarangurs. Mávastofninn rétt nýbúinn að ná sér eftir "The Reykjavík Grand Pond Seagle Massacre" Skellibjöllunnar, þá er hann sat í Borgarstjórn, já eða sat ekki. Um það má deila. Hann var víst ansi mikið fjarverandi, en það er nú allt önnur saga.

Viðreisn er viðsjárvert stjórnmálaafl, sem einskis lætur ófreistað að koma Íslandi undir járnhæl fröken Merkel, innan vébanda fjórða ríkisins og Stór-Þýskalands. Viðreisn verður hinsvegar ekki kápan úr því klæðinu, þó hún sleiki sér upp við Samfó. Úr því verður aldrei annað en einhverskonar samreisn, hvernig svosem ber að skilja það. Það hef ég reyndar ekki hugmynd um, enda einungis að losa um smá tuðhnút sem var farinn að plaga mig, þar til nú, að burt er ritaður úr sýsteminu.

Góðar stundir, með kveðju að sunnan, þar sem sæljón leika við hvurn sinn fingur og mörgæsir fljúga um loftin blá.

Árni Páll formaður Tryggingastofnunar

Athugasemdir

[Anna Sigríður Guðmundsdóttir, 7.6.2017 kl. 18:59]

Árni Páll Árnason er heiðarlegur að mínu mati. Hvað hann er titlaður nákvæmlega breytir ekki persónunni.

Ég gladdist yfir þessari frétt, vegna þess að heiðarlegur maður gerir meira gott fyrir minnimáttar og þar með heildina, heldur en óheiðarlegur einstaklingur. Enginn hlekkur samfélags er sterkari en veikasti hlekkur samfélags.

Til hamingju Árni Páll, með að vera orðinn einn af talsmönnum þeirra sem minnst mega sín í samfélaginu á Íslandi. Þú hefur viljann og reynsluna til að gera vel og rétt á þessum vettvangi, og það skiptir mestu máli að mínu mati:)

Ég er ekki búin að gleyma hvernig dómstólanna valdníðslumafían sveik þig Árni Páll, þegar þú varst ráðherra á erfiðustu tímum. Gangi þér vel að sinna þessu starfi af þeim heila og góða huga sem ég veit að þú hefur til þess.

Ég mun áfram fylgjast með af eins vakandi athygli og gagnrýnum huga eins og heilsan leyfir mér hverju sinni. Enginn opinber einstaklingur getur gert góða hluti án raunverleikans ábendingar-gagnrýnistuðnings almennings:)

M.b.kv.

[Jóhann Kristinsson, 7.6.2017 kl. 20:10]

Já Árni Páll er heiðarlegur wow.

Er þetta ekki sami maðurinn sem að lét breita dómi Hæstaréttar, til að hjálpa fjármálafyrirtækjunum og almenningur satt uppi með sárt ennið.

Svo á hann að vera að sjá um að almennir borgarar fái það sem þeim ber samkvæmt Stjórnarskrá, lögum og reglum.

Er þetta ekki sama og hafa mink vera vörð í hænsnakofa?

Gullfiska minni dettur mér first í hug, en gæti verið Samfylkingar aðdáandi sem skrifar svona.

Kveðja frá Houston

[Anna Sigríður Guðmundsdóttir, 7.6.2017 kl. 21:11]

Jóhann. Hæstiréttur Íslands sveik Árna Pál Árnason í sambandi við lánadóm, og hann sat uppi með að gera eitthvað í málunum. Og hefur setið undir óréttlátum ásökunum vegna þess. Mannst þú nokkuð eftir þessum dómsstólasvikum Hæstaréttar Íslands? Vilt þú ekki ræða hvernig ráðherrar eru kúgaðir undir fámenna klíku dómsstólaæðstavaldsins á Íslandi?

Hvað finnst fólki um það réttarofbeldiskerfi, sem hundsar verk ráðherra og þvingar hann til að gera eitthvað allt annað en hann ætlaði? Og ásaka hann svo endalaust fyrir dómstólaæðstarvaldsins svik?

Það þurfa allir að ræða málin af heiðarleika, en ekki bara sumir dómaranna kúgaðir einstaklingar.

Það er að segja ef Ísland á mögulega að geta talist umræðunnar vert réttarríki einhvertíma í framtíðinni.

M.b.kv. 

[Jóhann Kristinsson, 7.6.2017 kl. 22:30]

þitt álit á þvi sem Árni Páll gerði, en ekki mitt.

Kveðja frá Houston