´´Andi hins liðna´´

 Eitt gott frá Steini Steinari, fyrir svefninn.:

 

 ´´í fjarska, á bak við allt, sem er

   býr andi þess, sem var.

   Og andi þess, sem enn er hér,

   er ekki þar.

 

   Sem hugarórar, huliðs-sjón,

   hann hrærir líf hvers manns.

   Og yfir sérhvers auðnu og tjón

   rís ásýnd hans.

 

   Hann andar ljósi á barnsins brá

   og beyg í hjarta manns.

   Og löngun hvers og leit og þrá

   er leikur hans.

 

   Og okkar sjálfra mark og mið

   er mælt við tilgang þann:

   Af draumi lífsins vöknum við

   og verðum hann.

 

   Að veruleikans stund og stað

   er stefnt við hinstu skil,

   Því ekkert er til nema aðeins það,

   sem ekki er til.´´

 

 Væri ungmennum kennd og sýnd ljóðlist sem þessi, gætu menn sennilega troðið písanu upp í afturendann á sér.

 Góðar stundir, með kveðju að sunnan.