Ódýrasta og umhverfisvænasta rafmagn í heimi?

 Á Íslandi er rafmagn hvorki umhverfisvænt framleitt, né ódýrt, að stærstum hluta. Sé svo einhversstaðar, er "umframkolefnislosunarkvótinn" framseldur, á góðu verði, eins og óveiddur fiskur í sjónum, til umhverfissóða, annars staðar í heiminum. Hvert gróðinn af "sjálfbærninni" rennur, virðast hins vegar fáir vita, eða vilja tjá sig um. Samkvæmt öllum opinberum alþjóðlegum skýrslum framleiða Íslendingar meira að segja rafmagn með kjarnorku, þó ekkert finnist kjarnorkuverið hér á landi. Gott ef ekki kolum einnig! Hvert rennur mengunarkvótagróðinn?

 Öll umræða er komin út í skurð, en á einhvern óskiljanlegan hátt, er ávallt hægt að selja misvitrum og oft á tíðum fávísum og jafnvel greindarskertum stjórnmála og embættismönnum þvæluna. Nægir þar að nefna fjörtíuþúsundfíflaráðstefnuna í París.

 Til að tengja eitt stykki tvöhundruðþúsundtonna skemmtiferðaskip við landrafmagn þarf háspennulínu á kajann! Þegar þrjú liggja þar, sama daginn, þarf næstumþví Búrfellslínu! Flestöll skemmtiferðaskip, sem til landsins koma, stoppa hér innan við sólarhring. Það tekur þvi ekki einu sinni að ræða þetta, svo fáránleg er þessi umræða.

 Mikið djöfull er orðið þreytandi og á stundum svekkjandi að lesa svona andskotans þvælu. 

 Að öðru, úr því téður Gísli Hafnarstjóri hefur orðið.:

 Gísli hafnarstjóri og Spalarkarl.: Taktu þér helgarferð til Noregs eða Færeyja og sjáðu hve ljúft sjálfrennireiðar þessara landa renna gegnum hver göngin af öðrum, án þess að svo mikið sem slá af, nema rétt á meðan tölvukerfið les bílnúmerið. Hvalfjarðargöngin eru reginhneyksli, þá komið er upp úr þeim, eða ekið niður í þau að norðanverðu. Ef Spölur ætlar að halda áfram að selja tíu miða kort, þar sem hver miði er afhentur í lúgu, fargjaldið greitt með seðlum, kortum eða áskrift, er tilgangur Spalar einungis einn.: Teppum þetta helvítis rör undir fjörðinn nógu helvíti lengi og mikið, á álagstímum, með löngu úreltum innheimtuaðgerðum og þá leyfa þeir okkur að bora önnur, sem tvö eða þrefalda gróðann! Sér virkilega enginn í gegnum helvítis þvæluna? Hvalfjarðargöngin eru ekki sprungin, fyrir fimm aur. Þau geta hæglega annað tvöföldu því sem þau anna í dag, ef þau væru rekin eins og hjá mönnum!

 Andskotans della, sem þetta er allt að verða. Þeir síðustu til að sjá það eru að sjálfsögðu kampavínssötrararnir af Parísarfylleríinu og ömurleg frétta og blaðamannastétt, sem getur ekki einu sinni lengur sagt fréttir, heldu framleiðir þær frekar, eða snarar af Google Translate, því það er svo þægilegt og hentar eigendum "fjölmiðlanna" svo vel.

 Al Gore fitnar hinsvegar hraðar en nýgotinn grís, enda einn af stærstu hluthöfum í einu arðvænlegasta "mengunarkvótasölufyrirtæki" í heiminum. Fyllti Háskólabíó af þúsund fíflum og síðan fjörtíu þúsundum til viðbótar í París.

 Góðar stundir, með kveðju að sunnan.

 

Stærstu skipin nota rafmagn á við bæjarfélag

Þegar þú ert kýldur í klessu.......

 Gunnar mætti ofjarli sínum, punktur, komma, skelfilegt srik. Gunnar afgreiddur á innan við tveimur mínútum.. það er niðurstaða kvöldsins. Punktur.

 

 Góðar stundir meö kveðju að sunnan.

Potaði í augað á Gunnari Nelson - mynd

" Kill and cook in the wild "

 Svona gætu slagorðin verið fyrir markaðssetningu á náttúru Íslands. Öruggt að trekkti að og seldist vel. Síðan mætti einnig bæta við " Take a shit, where ever you like, down town, or in the wild ". 

Góðar stundir, með kveðju að sunnan.

Villimennskutexta Kúkú Campers breytt

Ábyrgðarlaust blaður fjármálaráðherra.

 Ef embætti Ríkislögreglustjóra býr yfir vitneskju um peningaþvætti vafasamra aðila, hér á landi, greinir embættið að sjálfsögðu ekki frá því í fjölmiðlum. Búi fjármálaráðherra landsins yfir þess háttar upplýsingum, eins og hann hefur fullyrt opinberlega, hlýtur hann að teljast vanhæfur með öllu, með því að greina frá þeim. Búi fjármálaráðherra ekki yfir neinum óyggjandi upplýsingum, um peningaþvætti vafasamra aðila, hér á landi, en segist samt vita af því, er hann einnig algerlega vanhæfur sem ráðherra og ber að víkja nú þegar.

 Það er sama hvernig litið er á þetta mál, Benedikt Jóhannesson er ekki starfi sínu vaxinn og ætti að sjá sóma sinn í því að segja af sér. Það mun hann hinsvegar að sjálfsögðu ekki gera. Hann mun áfram böðlast fram veginn, með öllum mögulegum ráðum til að sverta lögeyri landsins, með það að markmiði að eyða honum af yfirborði jarðar, svo moka megi Íslandi í gin gráðugra bjúrókrata í Brussel. Þar dreymir ráðherrann um sína fjöl, á skattfrjálsum launum og feitum eftirlaunum, að þjónkuninni lokinni.

 Góðar stundir, með kveðju að sunnan.

Kannast ekki við málið

Leggja niður gjaldtökuhliðið!

 Gísli Gíslason nefnir það ekki í þessu viðtali, þar sem hann mærir norðmenn og færeyinga fyrir þeirra göng, að hvergi nokkursstaðar, hvorki í Noregi né Færeyjum, þarf að stoppa til að borga í hliði, hvorki áður eða eftir að ekið er um göngin. Allt er myndvætt og "sjálfrukkandi". Á álagstímum er það gjaldtökuhliðið sem veldur mestu töfunum í Hvalfjarðargöngunum. Umferð gæti hæglega runnið allt að tvisvar til þrisvar sinnum hraðar í gegn, ef ekki væri fyrir stoppið til að borga.

Nýjustu tækni í málið, burtu með hliðið og sjáum hvað setur. 

Koma svo Gísli!

 Góðar stundir, með kveðju að sunnan.

Ný göng óhjákvæmileg

Samreisn?

Það slitnar ekki slefan á milli forkólfa Vireisnar og Samfylkingarinnar, þessa dagana. Varla flettandi blöðum öðruvísi en lesa fréttir af Viðreisnarburgeisum að skrifa undir innantómt loforðakjaftæði og lygaplögg með antíbílistanum, eða þá núna þetta! Fyrrum einsatkvæðisformaður einsmálsflokksins orðinn formaður Tryggingastofnunar. Bíðið nú aðeins hæg. Formaður? Annað hvort er blaðasnápurinn sem reit þessa frétt kjáni, eða Árni Páll orðinn formaður Tryggingastofnunar. Er hann þá forstjóri? Nei, hann er sennilega titlaður formaður stjórnar Tryggingastofnunar og þar af leiðand stjórnarformaður, ekki satt? Hvað um það.

Það er grugg í pípunum meðal Viðreisnar og deginum ljósara að þar á bæ ætla menn sér í borgarstjórn í næstu kosningum, með samfó og síðan taka landið allt í næstu þingkosningum, einnig með samfó. Sennilega verður Skrækur Skellibjalla helsta tromp Viðreisnar í borgarstjórnarkosningunum, ef að líkum lætur, mávunum á Tjörninni til mikils hugarangurs. Mávastofninn rétt nýbúinn að ná sér eftir "The Reykjavík Grand Pond Seagle Massacre" Skellibjöllunnar, þá er hann sat í Borgarstjórn, já eða sat ekki. Um það má deila. Hann var víst ansi mikið fjarverandi, en það er nú allt önnur saga.

Viðreisn er viðsjárvert stjórnmálaafl, sem einskis lætur ófreistað að koma Íslandi undir járnhæl fröken Merkel, innan vébanda fjórða ríkisins og Stór-Þýskalands. Viðreisn verður hinsvegar ekki kápan úr því klæðinu, þó hún sleiki sér upp við Samfó. Úr því verður aldrei annað en einhverskonar samreisn, hvernig svosem ber að skilja það. Það hef ég reyndar ekki hugmynd um, enda einungis að losa um smá tuðhnút sem var farinn að plaga mig, þar til nú, að burt er ritaður úr sýsteminu.

Góðar stundir, með kveðju að sunnan, þar sem sæljón leika við hvurn sinn fingur og mörgæsir fljúga um loftin blá.

Árni Páll formaður Tryggingastofnunar

"Friðarboðskapur" úr höfuðvígi hryðjuverkaógnar.

Donald Trump Bandaríkjaforseti boðar vináttu, von og ást. Hann greinir einnig frá samkomulagi ríkja við Persaflóa um að koma í veg fyrir að hryðjuverkahópar fái fjármagn. Þetta er allt gott og blessað hjá karlinum. Eða hvað? Nei, þetta er ekki allt gott og blessað. Hann flytur þennan boðskp nefnilega í höfuðvígi hryðjuverkaógnarinnar, Saudi Arabíu. Þaðan sem fjármagn streymir 24/7, 365, til alls kyns brjálæðinga, um allan heim, til að myrða saklausa borgara. Forsetinn stendur beinlínis á uppsprettu hryðjuverkasjóðsins, er hann mælir þetta. Til að verðlauna handklæðahausana fyrir "vinskapinn" selur hann þeim vopn, fyrir hönd bandarískra vopnaframleiðenda, fyrir ellefu þúsund milljarða. Svona rétt til að sýna smá þakkarvott fyrir vel unnin störf og góðan business í vopnabransanum. Það eru jú bandarískir vopnaframleiðendur sem stjórna Hvíta Húsinu, meira og minna, hafi það farið framhjá einhverjum, öðrum en vestrænum fjölmiðlum. Friður á jörð er eitur í þeirra beinum og því gott að geta teflt fram appelsínugulum kanínuhnakka og raunverluleikastjörnu, í embætti forseta, til að tilkynna um herlegheitin. Það verður nefnilega að selja vopn, hvað sem tautar og raular. Það fer enginn út í hergagnaframleiðslu til að skapa frið á jörð. Tvíburaturnar, lestarsprengingar, fjöldamorð á götum úti, að ekki sé minnst á allar hörmungarnar í Írak og Sýrlandi, auk Arabíska Vorsins" og annað smávægilegt er talinn ásættanlegur fórnarkostnaður og í raun hvati til að selja enn meira af vopnum. Bandaríkjamenn hafa stuðlað að einhverjum mestu hörmungum sem um getur, eftir seinni heimsstyrjöld, með framferði sínu í miðausturlöndum. Þeir hafa skapað nánast alla helstu hryðjuverkahópa, sem upp hafa sprottið, undanfarna áratugi. Að auki hafa þeir fórnað þúsundum af sínu eigin fólki í þessari "óráðssíu" sinni. Óráðssíu sem er þó tæpast nokkur óráðssía, heldur þaulskipulögð áætlun vopna og hergagnaframleiðenda í USA. Rockefellarnir kætast sem aldrei fyrr, þessa dagana, yfir góðum business og að geta sent trúðinn í "uppistand" til Saudi klansins, þar sem hann nú hvetur þjóðir heims til að einangra Íran. Ef einhverjar þjóðir þarf að einangra, þessa dagana, eru það USA og Saudi Arabía. Það verður þó sennilega seint raunin. Money makes the world go round, world go round.....

Góðar stundir, með kveðju að sunnan.

 

Trump vill „einangra“ Íran

Sádar, hryðjuverk og kaninn.

 Sádar eru stuðningsmenn hryðjuverkahópa, um víðan heim. Kaninn er helsti stuðningsmaður Sádanna. Kaninn er þar af leiðandi mesta hryðjuverkaógn veraldar, með útibú í Saudi Arabíu. Þetta er ekki flókið......., eða hvað?

 Góðar stundir, með kveðju að sunnan.

11.000 milljarða samningur við Sádi-Araba

Sérhæfð sjukrahúsþjónusta?

 Þegar fólk veikist, hristir það annarsvegar af sér krankleikann sjálft, eða leitar læknis, ef ekki vill betur til. Sumir lenda á sjúkrahúsi, en aðra er hægt að meðhöndla með einfaldari hætti. Heilbrigðisráðherra, sem þarf að stofna sérstaka nefnd um það, hvað teljist eðlileg sjúkrahúsþjónusta, er greinilega ekki í réttu ráðuneyti. Jafnvel ekki á réttum vinnustað.

 Góðar stundir, með kveðju að sunnan.

Stuðningur við sjúkrahús stytti biðlista

Mosfellsbær og "innviðagjald".

 Það er undarlegt að lesa í Mogga, að Mosfellsbær hyggist hugsanlega innleiða "innviðagjald", til að taka þátt í kostnði við innviðauppbyggingu, svosem skóla og annað. Þetta "annað" er að sjálfsögðu ekki tilgreint, en hverjum ljóst, sem eitthvað hugsar og fylgist með umræðunni, að ætlað er í þessu þvælu, sem kallast borgarlína. Er einhver glóra og rekstrargrundvöllur fyrir þessari Línu Langsokk? Er ekki kjörið að einkavæða hana? Nú er lag! Halda menn að verktakar og rekstraraðilar framtíðarinnar standi í röðum og sláist um bitann? Nei, ekki aldeilis. Enginn sem hefur eitthvað vit umfram hvítvoðung og vill stunda rekstur hefur áhuga á þessari þvælu. Það er ekkert minna en ömurlegt að fylgjast með sjálfstæðismönnum, í bæjarstjórnum umhverfis Reykjavík, sleikja hverja delluna upp á efrir annari, sem bjálfarnir í borgarstjórn, höfuðstaðar Íslands láta frá sér fara. Þó minnihluti sjálfstæðismanna í Reykjavík sé höfuðlaus her, sem enginn veitir eftirtekt, þarf meirihluti sjalfstæðismanna í Mosfellsbæ ekki að lepja drulluna upp eftir þá. Bæjarstjórn Mosfellsbæjar væri nær að koma skikki á skipulagsmál bæjarins, áður en leggja á frekari álögur á íbúðaeigendur. Skipulagsmál bæjarins eru flór, sem dugar ekkert minna en stórvirkar vinnuvélar á, ef gera á hreint á þeim bænum. 

 Góðar stundir, með kveðju að sunnan.

Efast um lögmæti innviðagjalds