Uppreisn æru!

Jæja, þá hafiði það gott fólk. "Að nenna ekki að raka sig" er það sem gildir. Uppreisn æru fyrir Tuðarann.! Gillett hefur ekki grætt nema rétt undir fárækramörkum á Tuðaranum gegnum árin. Betri helmingurinn kallar það reyndar leti að misþyrma ekki viðkvæmri húðinni með "Túrbófimmblaðasköfum" hvern morgun, og lætur að því liggja að loðinn kjammi jaðri við vera skítugur, þegar Tuðarakvikyndið hefur ekki nennt að skafa broddana framan úr bjánafésinu í  einhverja daga. Sjálfum finnst Tuðaranum best að vera svolítið villtur í framan, en að hafa mynd af Pittinum sem undirstrikun fyrir fullyrðingunni um að órakaðir karlar séu svona frekar meira aðlaðandi en andlitsskeindir, finnst Tuðaranum frekar grunnt. Þó Tuðarinn skafi ekki framan úr sér á hverjum degi, mun sennilega fyrr frjósa í Helvíti, en að hann nái nokkurn tíma "lookinu" hans Brads. Reyndar útleggst nafnið Brad sem Brattur á íslensku og guttinn sá ( Þessi íslenski) er vel "broddaður" um kjammana,(allavega síðast er ég sá hann) og hvers manns og konu hugljúfi. Við letingjar sem nennum ekki andlitssköfun nema þegar okkur hentar, erum bara nokkuð sáttir við að vera taldir svolítið "hönk" (ekki spotti) og hvetjum alla sem leiðist daglegur rakstur að reyna nú einu sinni eitthvað nýtt. Til dæmis  með rakstur annan hvern dag og síðan þriðja og síðan fjórða o.svo fr.vegis þar til komið er gott "Look".  Er viss um að Brad og Brattur eru mér sammála. 

Skeggbroddar leiðin til að vinna hjarta konunnar

Athugasemdir

[Edda Agnarsdóttir, 2.7.2008 kl. 12:03]

Ja hérna - var að kommentera á hjá Bratti um það sem þú sagðir um illa rakaða menn!

jamm þið Brattur verðið örugglega "hönk" !

[Hrönn Sigurðardóttir, 2.7.2008 kl. 12:36]

..... var það ekki illa rakaður karlmaður sem "fattaði upp" á þessari rannsókn?

[Fanney Björg Karlsdóttir, 2.7.2008 kl. 18:06]

'illa rakaður???? hann hefur verið gjörsamlega órakaður....og ráðvilltur í framan í þokkabót...........

[Ásdís Sigurðardóttir, 2.7.2008 kl. 19:19]

Þú ert mega hönk, en fáum við ekki mynd að þér með brodda?? 

[Brattur, 2.7.2008 kl. 22:23]

... úff... ekki er nú undirritaður nein fyrirmynd í rakstri... ég raka mig þegar mér finnst ég vera orðinn úfinn... og svo þegar ég sé mig nýrakaðan í speglinum... þá finnst mér ég svo eitthvað mikið rakaður að ég safna strax skeggi aftur... þannig að ýmist er ég með brodda... talsvert skegg, eða broddlaus eftir hvar í raksturshringnum ég er staddur...

[Högni Jóhann Sigurjónsson, 5.7.2008 kl. 22:40]

Ég tek undir hvert orð, enda hef ég ekki rakað mig síðan 1984 og er þess vegna asskoti latur samkvæmt hugmynd kellu þinnar um okkur sem sjáum ekki ástæðu til að misþyrma á okkur andlitinu í tíma og ótíma.

[Marta B Helgadóttir, 8.7.2008 kl. 16:00]

úfff æi nei, rakaðir eru minn smekkur 

[Karl Tómasson, 8.7.2008 kl. 23:40]

Mér fanst þetta alltaf slík athöfn hjá pabba með sköfunni, sápuburstanum og öllum græjum. Ég er að reyna að koma upp þessu athafna kerfi hjá mér en mér finst alltaf eins og ég birji hálftíma of seint til að það geti talist svo. Alltaf að verða of seinn.

Bestu kveðjur frá Kalla Tomm minn kæri.

[Víðir Benediktsson, 14.7.2008 kl. 20:59]

Dóri minn, raka sig. Velrakaður maður er trúverðugri en aðrir. Allir frægustu svindlarar veraldar alltaf eins og barnsrassar í framan.