Loftslagsnefnd Sameinuðu Þjóðanna.

 Loftslagsnefnd Sameinuðu Þjóðanna hefur sett staðal fyrir hitastig á jörðinni. Hvaðan hún fær þann staðal, er erfitt að segja. Þessi fáránlega "frétt" er svo arfavitlaus að manni liggur við uppsölum. 40% hraðar en hvað, eru höfin að hitna um? Er loftslagsnefnd UN alvitur um hitastig á jörðinni, eða hvenær höfin hafa verið heitust, eða köldust? Hvernig stendur á því að í suðurhöfum kólnar hafið? Jafnvel um tvær til þrjár gráður á síðustu tíu árum! Hvar er öll þessi hlýnun? Er hún einungis hér norðurfrá, eða verður hennar vart víðar? Hvar eru þessir heitu reitir? Hvað hefur yfirborð sjávar hækkað mikið á undanförnum árum? Hvað er kjörhitastig sjávar um allan heim? Hver "veit" það svo vel að hann geti fullyrt nokkuð? Hvert er kjörhitastig jarðarinnar og við hvað er þá miðað, annað en álit fjörtíu þúsund pólitískra fífla í París, eða Al Gore í einkaþotunni?

 Meiri andskotans vitleysan sem þessi umræða er komin út í. Við eigum að ganga vel um náttúruna og haga okkur eins og fólk. Menga eins lítið og við getum og vera nýtnari á það sem við höfum. Mannkynið þrífst einfaldlega alls ekki, án þess að menga eitthvað. Það má hinsvegar draga stórlega úr mengun með réttu hugarfari og aðgerðum sem stuðla að minni losun mengandi efna. Það er einföld staðreynd. Til þess þarf ekki fjörtíu þúsund létt og kampavínssötrandi pólitíkusa, svo mikið er víst. Plastið er sennilega einn alversti skaðvaldurinn. Við eigum að draga eins mikið úr subbuskap og óvirðingu við náttúruna og komandi kynslóðir, með skynsamlegri umgengni um auðæfi okkar. Þessi jörð er jú sú eina sem við höfum!

 Alhæfingar um heimsendi af okkar völdum hafa tekið yfir alla skynsamlega umræðu, enda umræðunni stjórnað af þeim, sem hagsmuna hafa að gæta og eiga ávallt greiðan aðgang að opinmynntum fjölmiðlabjálfum, sem gleypa allt hrátt og án athugasemda eða spurninga, sem að þeim er rétt. 40% meira en hvað? Einhver? 

 "Jafnvel þó við séum ekki á þeim stað, fyrir þá útkomu sem við viljum sjá".

  Allsherjarlausnin á semsagt að felast í auknum álögum á almenning í formi ótal aukagjalda og skatta!

 Á meðan fitna umboðsmenn mengunarkvóta eins og svín og graðka í gírug gin sín upphæðir sem venjulegur maður skilur varla.

 Eruð þið ekki að grínast?!

 Hvurs konar andskotans "fréttamennska" er þetta eiginlega?

 Góðar stundir, með kveðju að sunnan, þar sem hafið kólnar. Tyggið á því, kampavínslepjandi Parísarslúbertar!

Hlýnun sjávar 40% meiri en talið var

Athugasemdir

[Þorsteinn Siglaugsson, 11.1.2019 kl. 08:30]

Það er nú kannski ágætt að byrja á að lesa fréttina. "40% hraðar en hvað..." spyrð þú. 40% hraðar en nefndin taldi fyrir 5 árum segir í fréttinni. Og þannig  mætti halda áfram...

[Halldór Egill Guðnason, 11.1.2019 kl. 11:24]

Og hvað sagði nefndin fyrir fimm árum, Þorsteinn?

[Helgi Rúnar Jónsson, 11.1.2019 kl. 12:01]

En hvað EF þetta er ekki samsæri á vegum sameiniðuþjóðanna..?...hvað ef þetta er staðreynd...?...

Fljótum við þá ekki að feigðarósi ..?

[Þorsteinn Siglaugsson, 11.1.2019 kl. 13:14]

Þetta er dálítið góð spurning Helgi Rúnar. Það er nefnilega ekki endilega alltaf rétt að stinga hausnum í sandinn þegar eitthvað óþægilegt gerist og neita bara að viðurkenna það, saka alla um samsæri og þar fram eftir götunum. Fimmtungur kóralrifja hefur drepist á þremur árum. Ástæðan er hækkað hitastig. Mér finnst þetta vera áhyggjuefni, svo ekki sé tekið dýpra í árinni. Og ég sé ekki hvers vegna ég ætti að reyna að sannfæra mig um að allir þessir vísindamenn séu bara að ljúga og á baki við þá sé alheimssamsæri George Soros, gyðinga, CIA, marsbúa og guð má vita hvað.

[Halldór Egill Guðnason, 11.1.2019 kl. 15:09]

Það er umræðan og umfjöllunin sem er komin út í skurð. Hvarflar ekki að mér að efast um einhverja hlýnun á jörðinni. Hvarflar ekki að mér að efast um mengun. Hvarflar heldur ekki að mér að þetta sé allt af mannavöldum.

[Magnús Sigurðsson, 11.1.2019 kl. 15:26]

Það var í morgunnútvarpi ruv minnst á það mælum sem mæla hitastig sjávar hefð verið fjölgað stórlega í upphafi aldarinnar og á þeim mælingum m.a. byggðust 40% niðurstöðurnar. Þess vegna er ekkert óeðlilegt við það að menn setji spurningarmerki við svona véfrétt. Því mælingar byggja jú á samanburði þekktra staða frá ári til árs.

Það er nefnilega oft svo einkennilegt að þegar "trúboð kolefniskirkjunnar" er annarsvegar og hnattræn hlýnun er ekki mælanleg frá ári til árs t.d. í lofthitamæli almennra borgara, þá eru bara nefndir til sögunnar nýir mælingastaðir. Annað hvort neðansjávar eða eða upp í heiðhvolfunum.