Miðasala í stað hlutafés?

 Vonandi tekst fólkinu að koma þessu flugfélagi á koppinn. Það fer hinsvegar um mann hrollur, þegar maður les að miðasala byrji mjög fljótlega, en ekki hægt að gefa upp hvenær byrja eigi að fljúga. ´´Vá´´ hvað þetta hljómar ekki vel. Eru komin flugleyfi, er búið að útvega flugvélar og annað smálegt, sem þarf víst til svona rekstrar?

 Getur verið að með fyrirframsölu á miðum í ótilgreind flug, á ótilgreindum tíma, sé verið að sparsla í einhverjar holur, sem vand eða ófundið hlutafé átti að sjá um að loka?

 Spyr sá sem ekkert veit og er alltaf með einhver leiðindi.

 Góðar stundir, með jólakveðju að sunnan,

 þar sem sæljón leika við hvurn sinn fingur og

 mörgæsir fljúga um loftin blá.

 

 

Play stefnir á miðasölu í janúar

Hvað telst meiriháttar brot?

 Arion banki sér um fjárfestingar fyrir þrjá lífeyrissjóði. Arion banki sér um hlutafjárútboð fyrir dauðadæmt svindldæmi í Helguvík. Arion banki á sjálfur stóran hlut í því fyrirtæki.  

 Arion banki sér til þess að þessir þrír lífeyrissjóðir ´´fjárfesta´´ í hlutabréfaútboði Helguvikurþvælunnar. Samtals reiða lífeyrissjóðirnir þrír um 1.400.000.000.- kr af hendi í þessa ósvinnu. Það fé er sennilega að mestu eða öllum hluta tapað. Ekki aðeins að tapið rýri stöðu sjóðanna þriggja og eigenda þeirra lífeyrisþeganna, heldur tapast ógreiddar skatttekjur til ríkisins einnig.

 Arion banki sleppur með 21.000.000.-kr sekt, þar sem ekki telst um ´´alvarlegt´´brot að ræða!

 Það er alger óþarfi að leita spillingar út fyrir landsteinana, svo mikið er víst. 

 Nema náttúrulega að aumur tuðarinn sé algerlega að misskilja þessa frétt og bulla tóma þvælu.

 Góðar stundir, með kveðju að sunnan.

Viðurkennir brot í tengslum við kísilverksmiðju

Óborganlegur snillingur.

 Hann Þórður á Skógum er engum líkur. Þessi þjarkur, sem í sveita  síns andlits hefur byggt upp eitthvert glæsilegasta byggðarsafn veraldar, rennur rólegur inn í hvern dag. Þakkar sjálfum sér ekkert, en forsjóninni allt. 

 Varla að nokkur orð dugi yfir mann sem þennan. 

 Takk Þórður. Ég kom fyrst að byggðasafninu að Skógum  árið 1969 með foreldrum mínum. Safnið var þá aðeins  í einu húsi, en mót okkur tók Þórður. Níu ára guttinn ég efaðist fyrst um karlinn, en þegar hann tók að ausa úr viskubrunni sínum um hlutina sem voru til sýnis, rann nánast huliðsgríma athygli og löngunar um meiri fróðleik, á kvikyndið mig. 

 Aldrei á lífsleið minni hef ég hitt manneskju, sem var meira í mun en Þórði, að miðla af viskubrunni sínum. Jafnvel þó aðeins fimm manna fjölskylda væri að hlusta og safnið ekki stórt. 

 Mikið væri gott, ef fleiri fyndust, sem Þórður Á Skógum! Takk Þórður, fyrir allt!

 Góðar stundir, með kveðju að sunnan.

Held ennþá hugsunum inni

Fyrirhyggjuleysi og skammsýni.

 Það hefur verið magnað, en um leið hálf sorglegt, að fylgjast með umræðunni um nýafstaðið stórviðri. Engu er líkara en að stór hluti þjóðarinnar átti sig ekki lengur á staðsetningu landsins og þeim veðurhamförum sem þeirri staðaetningu geta fylgt. Það er aldrei spurning um hvort, heldur hvenær stórviðri lík þeim sem nú er ný afstaðið, skella á. Þetta var alveg örugglega ekki síðasta fárviðrið á Íslandi, svo mikið er víst. Það munu koma önnur og jafnvel örugglega verri veður í framtíðinni. Þetta ætti allt fólk að vita, sem býr á Íslandi. Síðasta Básendaveðrið hefur enn ekki skollið á! 

 Vonandi tekst að koma á rafurmagni á Dalvík, með vélakrafti nýjasta varðskips okkar. Hinsvegar vekur furðu að þessi staða sem nú er uppi skuli ekki hafa verið tekin með í reikninginn við hönnun og smíði skipsins. Vel má vera að auðvelt sé að dæla rafurmagni frá borði, en það er hinsvegar til lítils, ef klóin á móti passar ekki.

 Reynsla undangenginna áratuga í veðurhamförum, svo sem snjóflóðunum miklu á Súðavík og Flateyri hefði átt að leiða til þess, að við ættum skip sem fljótlegt væri að sigla á viðkomandi hamfarastaði og tengja við rafurmagnskerfi viðkomandi staða.

 Ástæða þess að svo er ekki, er sennilega sú, að stjórnmálamenn og handhafar valdsins hafa verið svo uppteknir af öðru, því miður. Hvers vegna er arðurinn af Landsvirkjun t.a.m. ekki nýttur í uppbyggingu öruggara dreifikerfis rafurmagns, í stað þess að puðra þeim fjármunum út í tómið? 

 Hvort liggur meira á að moka ofan í skurði, eða tryggja tilveru og öryggi landsmanna, í öllum byggðum þessa lands? Er ekki kominn tími til að stjórnmálamenn láti af fyrirhyggjuleysi sínu og skammsýni? Halda flónin við Austurvöll að orkupakki 3,4,5 og allt það fjandans rugl sem því fylgir, muni auka afhendingaröryggi rafurmagns í framtíðinni? 

 Spyr sá sem ekkert veit.

 Góðar stundir, með kveðju að sunnan.

Flókið að koma á rafmagni úr Þór

´´Andi hins liðna´´

 Eitt gott frá Steini Steinari, fyrir svefninn.:

 

 ´´í fjarska, á bak við allt, sem er

   býr andi þess, sem var.

   Og andi þess, sem enn er hér,

   er ekki þar.

 

   Sem hugarórar, huliðs-sjón,

   hann hrærir líf hvers manns.

   Og yfir sérhvers auðnu og tjón

   rís ásýnd hans.

 

   Hann andar ljósi á barnsins brá

   og beyg í hjarta manns.

   Og löngun hvers og leit og þrá

   er leikur hans.

 

   Og okkar sjálfra mark og mið

   er mælt við tilgang þann:

   Af draumi lífsins vöknum við

   og verðum hann.

 

   Að veruleikans stund og stað

   er stefnt við hinstu skil,

   Því ekkert er til nema aðeins það,

   sem ekki er til.´´

 

 Væri ungmennum kennd og sýnd ljóðlist sem þessi, gætu menn sennilega troðið písanu upp í afturendann á sér.

 Góðar stundir, með kveðju að sunnan.

Spilling er samofin nánast öllu.

 Það er allt að því spaugilegt að lesa þessa frétt. Reyndar allt að því sprenghlægilegt. 

 Heimska þeirra sem fara fram á að liðkunarfé Samherja sé greitt til baka til namibísku þjóðarinnar, með atbeina stjórnvalda á Íslandi er yfirgengileg.

 Það finnst nefnilega fyrirbæri sem heitir réttarkerfi. Í þessu máli hefur enginn verið dæmdur, enn sem komið er. Það virðist hinsvegar ekki velkjast fyrir þessum mannvitsbrekkum, enda uppaldir í spillingarbælinu Namibíu. Namibía og stjórnkerfi hennar, er og hefur um langt árabil verið gegnsýrt af spillingu. Að fara fram á að skattgreiðendur á Íslandi borgi til baka einhverjar upphæðir, sem þegar er búið að borga spillingargemsunum í Namibíu er slík reginsteypa og della, að varla verður orði upp komið, yfir heimsku þessa tríós á myndinni. 

 Þetta jaðrar við heimsmeti í heimsku, því miður, en umræðan öll hefur jú ekki beint verið á gáfulegum nótum fram að þessu, svo varla bregður fávísum aulanum mér, við lestur svona dellufréttar. Aumingja sendiherrann að þurfa að standa í svona fíflagangi.

 Góðar stundir, með kveðju að sunnan.

 

 

Vilja að namibíska þjóðin fái endurgreitt

Skítt með alla lögreglustjóra landsins.

 Krakkinn sem nú gegnir hlutverki dómsmálaráðherra landsins, telur eðlilegt að gera starfslokasamning við fyrrum Ríkislögreglustjóra upp á tæpar litlar fimmtíu milljónir króna.

 Hvað eru margir svona samningar í gangi? Hvar er heimild fyrir þeim í lögum og HVAR er seljanið og rúvið?  Er Namibía jafnvel nær en við höldum?

 ´´Starfslokasamningi´´fyrrum ríkislögreglustjóra fylgir að vísu þriggja mánaða ánauð í ráðgjafastarfi, en hver myndi ekki hrista sig aðeins í gírinn fyrir svoleiðis titlingaskít? Eigandi fullt af mánuðum eftir á fullum launum, plús orlof?

 Á meðan dópið, mafíugengin, vændið, sígaunaruslið, falsaðir hælisleitendur og mansalið, ásamt annari óáran vellur inn í landið, telur Dómsmálaráðuneyti Íslands það helst sér til tekna að gera starfslokasamning við flokkspartner.

 Ráðherfan fékk jú djobbið fyrir orkupakkastðuninginn, ekki satt? Eða logið? Tuðari bara spyr. Bjarni geldur greiða mót greiða að sagt er.

 Með starfslokasamningi sínum við fyrrum ríkislögreglustjóra, gefur núverandi dómsmálaráðherfa skít í alla lögreglustjóra landsins. 

 Löggæsla er fyrir bí, í boði dómsmálaráðherra. Ráðherfa sem græðir á daginn og grillar hvítvínsleginn humar á kvöldin, með titilin cand jur hlýtur að vita allt sem dómsmálaráðherfa hlýtur að þurfa að kunna. ´´Reynslubolti´´ úr samfélaginu sem allt veit og kann. Hokin reynslu og kann öll ´´trixin´´ eftir áratuga reynslu úr atvinnulífinu beggja vegna borðs.

 Á meðan ráðherfan hverfist um eigið ágæti, í orðagjálfri og innihaldslausu rausi, deyja börnin okkar úr ofskömmtum og ofbeldi í hennar boði.

 Barninu í ráðherrastólnum ætti að finna annað hlutverk hið snarasta, ef ekki á illa að fara fyrir landi og þjóð. 

 Sjálfstæðisflokkurinn minn er rjúkandi rúst, í boði formanns og fylgifénaðar hans. Daprari verður trauðla nokkur forysta nokkurs flokks.

 Svei ykkur forystufólki Sjálfstæðisflokksins öllum!

 Góðar stundir, með kveðju að sunnan.

Ekki vanhugsað að nýta „reynslubolta“

Eigin lestir, ruv og Samherjaskjöl.

 Tuðarinn fylgist með þjóðfélagsumræðunni eins og honum er best kostur búinn hverju sinni. Langtímum saman utan allrar umræðu um málefni dagsins, dettur kvikyndið af og til inn í heitar umræður líðandi stundar og er oft orðið svo mál að láta heyra í sér, að ekki sér ávallt til sólar í bullinu sem upp úr honum vellur. Oft langar hann að öskra á ritvellinum, á fálesinni síðu sinni, um hin ýmsu málefni. Fyrr á tíð lét hann gamminn geysa og hefur eflaust oft á tíðum misstigið sig í blótsyrðum um menn og málefni. Hreytt ónotum í fólk og verið sannast sagna bölvaður ritsóði.  

Við þeim misgjörðum öllum gengst Tuðarinn algerlega og biður alla, sem hann hefur sært eða meitt með orðum sínum innilegrar fyrirgefningar, nema að sjálfsögðu þeim sem áttu það svo innilega skilið. Punktur.

 Fyrirgefningarkafla lokið. Mál að hefja annan, sem sennilega þarf að byðjast fyrirgefningar á síðar meir, en látum það liggja milli hlutar.

 ´´Samherjaskjölin´´ tröllríða nú flestallri umræðu og fram á rit og umræðuvöll pólitískrar vinsældaumræðu ösla nú misheppnaðir burtreiðarsveinar glataðra hugsjóna, steingeldir af heilbrigðri skynsemi eða svo miklu sem hinum minnsta skilningi á því hvernig kaupin gerast á Eyrinni um víða veröld. Veröld sem aldrei hefur snert þessa vinsældasæknu hugsjónageldinga svo mikið sem eina sekúndu fram að þessu.

 Nú rekur á fjörur þeirra vopn og í vandlætingu sinni og fordæmingu, koma þeir upp um eigin aumingjaskap og fákunnáttu. Samherja skal knésetja með öllum ráðum og helst koma því svo fyrir að namibíska þjóðin svelti, sökum misgjörða Samherja! Áttatíu prósent þjóðarinnar búi í bárujárnskofum, því Samherji veiðir hrossamakríl í landhelgi þeirra. Það er nefnilega það. Trauðla gerist ´´fréttasnápsmennska´´ömurlegri.

 Samherji er ekki óvinur namibísku þjóðarinnar. Versti óvinur namibísku þjóðarinnar eru Namibíumenn. Þeirra eigið fólk. Gerspilltir pólitíkusar sem svífast einskis, allt frá lægst setta kvikyndinu sem stimplar pappíra, upp til forseta landsins og öllu sem honum fylgir.

 SWAPO er hið eina sanna mein, enda sósalískt hugsandi stjórnmálasamtök, þar sem svínin eru ávallt ´´aðeins rétthærri´´ en hin dýrin. Hafa haft taglir og haldir frá því landið hlaut sjálfstæði. Grafið um sig hægt og bítandi. Það er hinsvegar ekki talin ástæða til að kanna það neitt frekar, því niðurgreiddir, ríkisreknir fréttasnápar frá Íslandi telja sig nú hafa fundið ástæðu eymdarinnar í Namibíu. Samherji skal sökudólgurinn vera og með niðurgreiddan ríkisfjölmiðil að vopni arka nú rúvískir fréttasnápar um auðnir efnahagslífs Namibíu og fá það út að fólk svelti og búi í bárujárnsskúrum, því íslenskt sjávarútvegsfyrirtæki sá sér leik á borði að nýta rándýr atvinnutæki sín til verðmætasköpunar. Nokkuð sem stríðöldu svínunum auðnaðist aldrei. Til að svo mætti verða, varð að fóðra elítuna. Ekkert nýtt við það. Þeir sem halda öðru fram, hafa hvergi verið, hvergi farið, ekkert markvert upplifað, eða séð út fyrir heimóttalegan túngarð  sinn og hugmyndasnauð steingeldra hugsjóna sinna. Svo ekki sé nú minnst á fullveldisafsalsdrauma sama slektis. Ömurlegri verður tæpast umræðan. 

 Fróðlegt væri að taka saman hvar fréttasnápar kveiks voru, árin 2009 til 2011, þegar þúsundir fjölskyldna í þeirra eigin heimalandi, voru bornar út á götu og settar í ígildi namibískra bárujárnsskúra, í nafni hinnar fyrstu tæru vinstristjórnar Gránu  gömlu og Þistilfjarðarkúvendingsins?

 Hvar var seljanið þá, eða kveikurinn? Hvursu margir þættir hafa verið framleiddir af RÚV um framsal tæru vinstri stjórnarinnar á skuldbindingum húsnæðiseigenda, eða hvernig lánasöfnin voru nánast gefin hrægömmunum á brotabrotsverði, til þess eins að þeir gætu rukkað inn skuldina að fullu, með tilheyrandi hörmungum, en bónusum fyrir þá sem innheimtu? Hvar var skítseiðið seljanlega þá? Hvar var seljan-legið þegar bjálfinn Árni Páll fann upp 110prósentin? Hvers vegna er Þistilfjarðarkúvendingurinn Forseti Alþingis í dag?! Hver gerði Gerði greiða um árið, hver gerði Gerði bommsíbomsíboms? Hver bjargaði Sjóva sjóvá sjóvá? Hver geldur greiða í dag fyrir gamla greiða. Hvar liggja mörkin spillingar? Namibía, Ísland, Argentína.......sami grautur í sitthvorum pottinum.

 Tuðaranum liggur við uppsölum af lestri fyrirsagna og fullyrðinga fólks, sem minna veit en ekki neitt og eins hinna sem telja sig allt vita, en vita í raun minna en ekkert annað en það sem snýr að eigin rassgati. Það er nú ekki merkilegur sjóndeildarhringur, en sósíalismanum og fullveldisafsalssinnunum samkvæmur.

 Góðar stundir, með kveðju að sunnan.