Undarlegt fasteignamat.

 Að hátt í tólf hundruð fermetra verslunarhúsnæði á allra dýrasta stað á Íslandi, skuli hafa fasteignamat upp á rétt rúmar 140 milljónir er undarlegt, svo ekki sé meira sagt. Hér er einhversstaðar pottur brotinn, eða stafsetningavilla á ferðinni, svo galið er þetta mat. Eflaust gætu margir hugsað sér hlutfallslega sama mat, fyrir sínar eignir. Það þýddi jú lægri gjöld, ekki satt?

 Þar fyrir utan er hér komið enn eitt dæmið um fáránleikann í stjórn Reykjavíkurborgar. Kostnaðurinn við þennan byggingarreit og útkoman að verki loknu, liggur í augum uppi. Það er að segja útkoman, ekki kostnaðurinn. Nægir að berja þessa hrákasmíð augum. Þvílíkt og annað eins rugl og vitleysishrærigrautur. Samkvæmt myndinni hafa þeir t.a.m. gleymt að rífa mótatimbrið utan af glerhaugnum, við hlið gamla hússins, fyrir miðju, sem átti að varðveita, en hefur nú fengið klístrað upp að tveimur hliðum sínum, undarlegum, forljótum og steingeldum kössum, úr gleri og steypu. Mér þykir þetta hallærislegt og forljótt. Reyndar svo ljótt, að ég á eiginlega ekki orð. Eflaust sjá einhverjir fegurðina í þessu og er það bara hið besta mál. Misjafn er mannanna smekkur.

 Ætli Reykjavíkurborg ríði feitum hesti frá þessu klúðri, eða getur verið að dæmið sé oggulítið í mínus, fyrir borgina? Væri fróðlegt að komast að því.

 Góðar stundir, með kveðju að sunnan.


mbl.is Glerhýsið reiðubúið fyrir rekstur
Tilkynna um óviðeigandi tengingu við frétt

Stólarnir fyrst, málefnin þar á eftir!

 Það er allt að því sorglegt að fylgjast með þessu brambolti stjórnarmyndunarviðræðna. Fyrst skal raðað í stólana, en síðan ræða hugsanlegan málefnagrundvöll og samstarf. Stór hluti baklands beggja flokka, bæði D og VG er án efa ekki sátt við þessi vinnubrögð og hætt við að stuðningur við báða formenn þessara flokka muni minnka verulega, ef fram fer, sem horfir. Framsókn situr hinsvegar hjá að venju, eins og portkona sem tekur hverju sem er, jafnvel á niðursettu verði, eða þægilegum raðgreiðslum.

Það er ekkert annað en lítilsvirðing við kjósendur og lýðræðið í landinu, þegar stjórnmálamenn leyfa sér að byrja á öfugum enda í stjórnarmyndunarviðræðum. Með öfugum enda á ég við, að stjórmálamennirnir sjálfir og þeirra flokkar eru settar skör ofar en almannahagsmunir og það jafnvel áður en nokkurt samtal hefur átt sér stað um málefnin, sem skipta þjóðina mestu máli. Flokkarnir vita ekki einu sinni hvort þeir geti starfað saman, en samt skal raða í ráðherrastóla, áður en viðræður hefjast! Hvers konar viðræður ættu það eiginlega að vera? Jú, sennilega á þann veg, að flestir kepptust um að ganga úr skaftinu, varðandi sín stefnumál, ef ráðherrastóll er í boði. Sveiattan bara! 

 Þetta eru forkastanleg vinnubrögð og öllum þeim sem að koma, til ævarandi skammar. Hér sannast einn ganginn enn, að oft er flagð undir fögru skinni og "smælið" ekki alltaf ekta, fyrir og eftir kosningar.

 Góðar stundir, með kveðju að sunnan.


mbl.is Sætta sig við Katrínu í forsæti
Tilkynna um óviðeigandi tengingu við frétt

Ömurlegt, ömurlegt, ömurlegt!!!

 Það er ömurlegt að sjá hvernig verið er að eyðileggqja þetta svæði. Þær byggingar, sem þarna er verið að byggja, eru að mínu mati einhver almesti ófögnuður, sem sprottið hefur upp úr jörðinni, í húsagerð. Trauðla er hægt að kalla þetta húsagerðarlist, svo forljót, steingeld og fráhrindandi eru þessi fuglabjörg úr steinsteypu og gleri, sem núverandi borgarstjórn hefur gefið leyfi fyrir.

Borgarstjórn fagurgalans og kjaftæðisins undanfarin tæp átta ár, hefur hér toppað bullið og þvæluna úr sjálfri sér. Hún hefði betur úthlutað lóðum til almennings, víðar um borgina, en það gat hún ekki. Steinrunninn sjálfselskuklúbbur, lattelepjandi sveimhuga, sem dreymir allar nætur um göngu og hjólastíga, milli þess sem þeir ganga á borgarlínu, sparka í bíla og dæla mannaskít í sjóinn. Á daginn eyða þeir annara manna fé í dellu og eru komnir vel á veg með að gera Reykjavíkurborg gjaldþrota. 

 Déskotinn bara, að horfa upp á þennan ófögnuð.

 Góðar stundir, með kveðju að sunnan.

 

 


mbl.is Tóku í notkun nýja Geirsgötu
Tilkynna um óviðeigandi tengingu við frétt

Unaðsreitur við umferðarnið.

 Mikið leggja skipulagsyfirvöld mikið á sig þessa dagana, að kynna framtíðarþjöppun höfuðborgarsvæðisins. Gott ef ekki verður kynnt byggð á helstu umferðareyjum, á næstunni. Mætti halda að kosningar nálguðust og ekki seinna vænna en girða sig í brók, með hverri kynningunni af annari, um væntanlega byggð, út um allar trissur. Ekki er mikið hægt að ræða afrek núverandi borgarstjórnar í byggingamálum undanfarinna ára, svo mikið er víst. Þar er allt í skötulíki og Reykjavíkurborg á hvínandi kúpunni, hvernig sem á það er litið. 

 Þetta skipulag, sem fréttin fjallar um, er svosem allt í lagi og eflaust margir til í að búa þarna. Umferðarniðurinn er jú næstum því eins "sjarmerandi" og niðurinn í læknum, ekki satt? Að ekki sé nú talað um loftgæðin, maður lifandi. Svo má einnig skella sér í parísarhjólið, sem þarna er teiknað, upp á einhverjar sex hæðir, eða meira. Fátt er eins hugarfróandi og horfa á alla bílana þjóta hjá, með ástvin sér við hlið, "in a Paris wheel, on top of the Kringlan". Hvað ætli þurfi annars að byggja háar hljóðmanir og hlaða marga grjótveggi utan um þessi ósköp, svo þarna þrífist líf, yfir höfuð? Vandi er um slíkt að spá. 

 Reyndar er að sögn Holu-Hjálmars, smá flöskuháls á öllum herlegheitunum. Það er ekki nokkur leið að komast að eða frá þessum nýja íbúðakjarna og tengjast helstu stofnbrautum, en hver hefur áhyggjur af því? Látum allt helvítis liðið labba, hjóla eða hanga í borgarlínunni. Hverjum er ekki sama? 

 Góðar stundir, með kveðju að sunnan.


mbl.is 400-600 nýjar íbúðir á Kringlureit
Tilkynna um óviðeigandi tengingu við frétt

Stjórnmálafræðingurinn og fréttamenn.

 Það er hábölvað, að á Íslandi virðist einungis einn stjórnmálafræðingur vera til. Hann kemur ofan úr Bifröst. Eftir tungutaki hans og tilvitnunum, dansa síðan fláráðir frétta og blaðasnápar, með opinmyntan túlann og skrifa sínar greinar og pistla. Ekki samkvæmt fréttunum, heldur áliti mannvitsbrekunnar af Bifröst. 

 Sjaldan, ef nokkurn tímann, hefur blaða og fréttamannastétt þessa lands, lotið jafn djúpt, í eigin getuleysi. Lélegir diktarar, eftir skríbent úr Borgarfirðinum. 

 Fréttamenn....nei ekki aldeilis. Geta ekki einu sinni endursagt neitt, á hlutlausan hátt, án álits frá Bifröst.

 Svei þessari stétt, sem telur sig þess umkomna, að kalla sig fjölmiðlastétt. 

 Stórt FRUSS á þetta lið.

 Góðar stundir, með kveðju að sunnan.


mbl.is Meiri líkur en minni á að þetta náist
Tilkynna um óviðeigandi tengingu við frétt

Að snúa öllu á hvolf, með von um stól.

 Fyrir utan að lofa öllum paradís á jörð, í aðdraganda kosninganna, hefur formaðurinn nú snúið öllu á hvolf, þá er kemur að hugsjónum hans, í stjórnarmyndunarviðræðum. Þær má auðveldlega "díla" og "gambla" með, ef fæst stóll. Hvað varð um ónýtu Krónuna og allt fyrir alla, hvað sem það kostar og ónýta Stjórnarskrá?

 Steingrímur J. endurfæddur, nema núna í bláum jakka, með tösku um öxl og hendurnar eins og Jesú Kristur og ber sig að eins og hinn eilífi sannleikur sé á ferð. (Fyrir utan von um stól)

 Flensur og allskyns pestir hafa farið af stað, fyrir minna en þetta. Jafnvel plágur!

 Vonandi finnst mótefni, í tæka tíð.

(Meðan ég man, hvar er Steingrímur og eilífðarfýlupúkinn Svandís? Er VG ein manneskja, eða stjórna henni óræð öfl, sem dúkka ekki upp á yfirborðið, fyrr en senditíkin hefur unnið skítverkin?)

 Góðar stundir, með kveðju að sunnan.


mbl.is Atkvæðagreiðsla um ESB ekki skilyrði
Tilkynna um óviðeigandi tengingu við frétt

Hvar er umræðan um innflytjendur, flóttafólk og hælisleitendur?

 Af einhverjum óskiljanlegum ástæðum var ekki rætt svo mikið sem eina mínútu um "óþægilegasta" málið, fyrir kosningar. Hvað ætli valdi? Þöggun þeirra, sem þykir óþægilegt að ræða þessi mál, eða sú ömurlega staðreynd, að hver sá sem leggur til einharða stefnu, í þessum málum, er jafnharðan kveðinn í kútinn, af fávísu fjölmiðlafólki. Fjölmiðlafólki, sem getur í krafti útbreiðslu sinna miðla, tekið nánast hvern sem er af lífi, eftir því sem þeim þóknast, á augabragði, án nokkurra skýringa. Nægir að opinbera fullyrðinguna og viðkomandi á ekki möguleika, á að reisa hönd fyrir höfuðs sér. 

 Ein af kostulegustu kollsteypum síðastliðinnar kosningabaráttu, átti Flokkur Fólksins. Flokkurinn mældist með himinskautum, þar til hann gaf eftir í "innflytjandamálum". Fylgið snarféll í næstu "könnunum". Flokkurinn sættist á meðalmennskuna, sem gilt hefur í þessum málum og tapaði feitt,í "skoðanakönnunum". Taldist varla þingtækur. Það var ekki fyrr en formaðurinn grét í beinni, að hann náði styrk sínum á ný og er nú kominn á þing.

 Öll, eða réttara sagt engin umræða um innflæði fólks til Íslands, á sér lengur stað. Allir kjósa að feta einstigi meðalmennskunnar, þar sem á engan er hallað. Þetta gerir fólk svo lengi, að einn daginn hallar á alla.

 Það er dagurinn, sem fyrsta sprengjan springur, í sjálfsmorðsvesti fávita, eða ómálga barns, sem stjórnað er af handklæðahausum, sem ávallt halda sig utan seilingar, en setja þess í stað pening í "málstaðinn".

 Góðar stundir, með kveðju að sunnan.


Láta "fréttamenn" panta tíma!

 Ef maður ætlar til tannlæknis, þarf að panta tíma. Ef maður ætlar til sérfræðings, þarf að panta tíma. Ef maður æskir viðtals við forseta Íslands, þarf að panta tíma. 

 Ef maður vill hjóla í þingmann, setur maður upp boxhanskana og lætur vaða. 

 Skítt með útkomuna. "Miðillinn" selst.

 Þingmenn og aðrar opinberar manneskjur eiga ekki að leggjast svo lágt, að gefa ömurlegum fjölmiðlum eilíflega tækifæri á að taka sig af lífi, eða hefja til vegs og virðingar, jafnvel fyrir ekki neitt.

 "Fréttamenn" á Íslandi.:  Pantið tíma, eins og aðrir!

  Þið eruð ekkert merkilegri en hver annar. Sá sem heldur því fram, í ykkar röðum, hefur fyrirgert rétti sínum til fréttamennsku. 

  Góðar stundir, með kveðju að sunnan.


mbl.is Ásmundur biðst afsökunar
Tilkynna um óviðeigandi tengingu við frétt

Hvað er að?

 Það er eitthvað mikið að, þegar þekktur ofbeldismaður getur dvalið frjáls hér á landi, mánuðum saman, hlotið vernd, húsnæði og annað, sem hlotnast ekki öllum Íslendingum. Meðan þessu fer fram, fremur hann hvert afbrotið af öðru og gerir í rauninni allt, sem slæmt getur talist, honum til handa. Í janúar s.l. var ljóst hvurslags vitleysingur var hér á ferð. Undirmönnuð lögreglan hefur ítrekað haft afskipti af þessum óþverra, en það er ekki fyrr en í september sem hann er lokaður inni. Meira að segja þar, heldur hann áfram áróðri, fyrir hönd mannleysa.

 Er ekki kominn tími til að stjórnvöld girði sig í brók, eða er beðið eftir fyrstu sprengjunni, að springa á fjölförnum stað á Íslandi, rétt áður en einhver fávitinn gargar setninguna frægu?

 Góðar stundir, með kveðju að sunnan.


mbl.is Sagðist vera liðsmaður Ríkis íslams
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband