Hálfvitalegt nafn á Íslensku flugfélagi.

 "Air Iceland Connect" er eitthvert hálfvitalegasta nafn, sem gefið hefur verið Flugfélagi Íslands. Hallgerður Langbrók myndi fyrr drulla í langbrókina, láta taka sig fasta og varpa sér í dyflissu, en að láta neyða sig um borð í fararskjóta þessa vitleysisnafnsfélags. Útsýnið er stórkostlegt á öllum flugleiðum Flugfélags Íslands, þegar skyggnið er gott. Að ösla yfir það með þessu nafnsóbermi, er ekkert annað en léleg landkynning, útþynnt túristakjaftæðisbull og yfirgengileg móðgun við Hallgerði Langbrók!

 Með réttu ætti að svipta fyrirtækið rétti til allra nafngifta, sem tengjast Íslandi yfir höfuð, svo ömurlegt er þetta fáránlega nafn félagsins í dag. 

 Datt engum í "ónefnubrainlognsdeildinni" að halda sig við Faxana? 

 Þvílikt og annað eins klúður í nafngift er vandfundið og lýsir ótrúlega litlu hugmynda"flugi" hjá flugfélagi. Flugfélag án hugmyndaflugs, flýgur hvorki langt, né lengi.

 Góðar stundir, með kveðju að sunnan.

Heillandi útsýni með Hallgerði

Fálkaorður.

 Hvers vegna er manni, eins og Lárusi Sigfússyni, ekki veitt Fálkaorðan, þó ekki væri nema fyrir ótrúlegt æviskeið og jákvæða réttsýni á lífið??  Engin vinna, ekkert kaup. Ekkert kaup, ekkert líf. Dugandi manni, sem í sveita síns andlits er hundrað og þriggja ára, án þess svo mikils sem að að hafa aldrei kvartað?. Kvörtunarstaðall aumingjakynslóðar nútímans er kominn út í horn. 

 Vann sína vinnu, stóð sína plikt, skilaði sínu, en er nú hornreka í samfélagi æskudýrkunnar og reynsluleysi nútímans. Fólks, sem af einhverjum  óskiljanlegum ástæðum  hefur gefið skít í forfeður sína, sem byggðu þetta land. Forfeður sem gerðu þeim kleift að eignast börn og fara síðan í frí "á svörtum" í heilt ár, sem "einhver annar borgar".

 Aumingjavæðing nútímans sést best í því, að í dag getur fólk ekki einu sinni eignast börn, öðru vísi en verða að aumingjum og greiðslumunstri, sem aðrir borga. 

 Af því samfélagi, sem blasir við okkur í dag, skilur Lárus hvorki upp né niður í, sökum aumingjaskapar  Íslenaku þjóðarinnar og lái honum hver sem vill. Annað eins aulalið hefur ekki setið þetta land síðan 1662.

 Góðar stundir, með kveðju að sunnan.

Man frostaveturinn mikla

Ekki batnar endaleysan!

 Þegar smíði nýrrar Vestmannaeyjaferju er langt komin, kemur allt í einu beiðni um breytingu á orkugjafa hennar! Eru menn gjörsamlega búnir að tapa vitinu í þessu rugli öllu saman!? 

 Hvers vegna heyrist ekkert af þessu fyrr?

 Hvað kostar þetta aukalega og hversu mikið tefur þessi nýjasta della afhendingu ferjunnar? Svona skip þarf a.m.k. 20tonn af rafgeymun, ef eitthvað vit á að vera í þessu. Þeir geymar hafa áhrif á stöðugleika og siglingarhæfni. Siglingarhæfni þar sem ekkert svona andskotans rugl var með í myndinni í upphafi, þegar skipið var hannað. Það þurfti meira að,segja ábendingu frá skipasmíðastöðinni til að benda "sérfræðingunum" á Íslandi á það, að ef ferjan væri lengd um xmetra, minnkaði djúpristan! Ekki var það nú mikið rætt, enda óþægilegt fyrir alla "snillingana" hér heima, sem ávallt telja sig vita best í heimi.

 Hvers vegna taka svokallaðir fréttamenn við svona tilkynningum, án þess að spyrja einnar einustu spurningar?. Svarið er einfalt.: þeir eru ekki starfi sínu vaxnir og hafa ekki hundsvit á flestu því sem þeir fjalla um. "Copy paste" "Copy paste" aular.

 Það er almenningur í landinu sem greiðir fyrir þvæluna, með skattfé sínu, í sveita síns andlits. Kerfisamlóðunum virðist slétt sama um það, enda leiða þeir sjaldnast hugann að því hvaðan fjármagnið kemur. Amlóðar sem fá  launatékkann, óháð öllu.

 Landeyjahafnarskrípaleiksbruðlið á eftir að reynast dýrara en jafnvel svartsýnustu afturhaldspúkum, eins og mér, hefði nokkurn tíma dottið í hug. Fáránleg staðsetning hafnarinnar er kapítuli út af fyrir sig og tæpast þörf á að fara yfir það mál allt saman. Þeir sem skitu í buxurnar með staðarvalinu eru hinsvegar ennþá innvinklaðir í óskapnaðinn!

 Hvað gerir ferjan þegar ekki er fært í Landeyjahöfn og sigla þarf til Þorlákshafnar, eða jafnvel snúa þarf við, á skipi sem eftirá var í pakkað tuttugu tonnum af rafhlöðum og sennilega tvöfaldri þeirri þyngd í mótorum?. Það er verið að tala um sextíu tonn af aukabúnaði, sem ekki var ráð fyrir gert í upphafi. Þvílík djöfulsins þvæla sem þetta er verða!.

 Þeim sem þykir þetta allt í lagi er vorkunn. Þeir skilja ekki samhengið sem felst í því að laun þeirra eru greidd af stéttum sem framleiða verðmæti. Engin verðmæti eru framleidd í opinberum rekstri. Ekki nokkur. Opinber rekstur, er kostnaður og skilar engum, engum verðmætum! Aðeins kostnaði fyrir hinn almenna launamann og fyrirtækin í landinu, eins og svo vel sést af þessari dauðans dellu, sem Landeyjahöfn er, frá A til Ö.

 Landeyjahafnarþvælan mun á endanum kosta skattborgar þessa lands þvílíka fjármuni, að sagnfræðingar framtíðarinnar munu ekki skilja rassgat í því, hvað mönnum eða réttara sagt mannleysum, gekk eiginlega til með þessu hörmulega fjármagnsbruðli og þvæluákvörðunum.

 Góðar stundir, með kveðju að sunnan.

 

Mun spara hundruð milljóna

Sýnið okkur byggð hús !

 50 hús á "teikniborðinu" hljómar klént og dulítið þvælt.  Ætla rétt að vona að Skeiða og Gnúpverjar séu ekki að fara að taka "dagsholumar" á þetta. 

 Byggja fyrst, þenja sig síðan. Það er málið. Gangi ykkur vel.

 Góðar stundir, með kveðju að sunan.

50 íbúðir á teikniborðinu

Göng, göng, göng!

 Svo sárt sem það hljómar, mun Norræna hætta að sigla til Seyðisfjarðar, innan ekki svo langs tíma, við óbreyttar aðstæður. Það yrði þungur biti að kyngja fyrir Seyðisfjörð, þann fallega bæ og fólkið sem þar býr.

 Allur sá búnaður og tæki, sem notuð voru við gerð Norðfjarðarganga áttu að rúlla áfram og halda áfram borun, yfir í Mjóafjörð og þaðan yfir í Seyðisfjörð! Langtímalausn, öllum til heilla. Þetta sáu ekki amlóðar þeir, sem stjórna þessu, frekar en fyrri daginn. Skammsýni og fávitahætti, þegar kemur að skynsamlegum framtíðarplönum, virðast hérlendum stjórnvöldum engin takmörk sett. Þvílíkur andskotans fávitaháttur, að jaðrar við lögbroti.

 Góðar stundir, með kveðju að sunnan.

 

Björgunarsveitir aðstoða ökumenn

Falleg kona, hún Herdís.

 Góður kennari, er gulls ígildi. Mannbætandi og gefandi, hverjum þeim, sem hjá honum/henni nemur. Herdís Egilsdóttir er sennilega með síðustu eintökunum, sem talist geta "alúðarkennarar". Falleg manneskja, sem lagði metnað sinn allan, alúð og einlægni í starfið. Helgaði líf sitt nemendum sínum og uppsker nú fram á ævikvöldið þökk þeirra, sem nutu leiðsagnar hennar. Það er mikið spunnið í fólk eins og Herdísi, sem af einstakri umhyggju og ást bar hag og velferð nemenda sinna ávallt fremst í brjósti. Í dag er leitun að fólki, sem vinnur sína vinnu, eins vel og gleðiríkt og Herdís gerði.

 Megi endurfundirnir lukkast sem best. Þar verður eflaust margt um manninn, sem þakka vill henni leiðsögn hennar og umhyggju.

 Leiðsögn sem því miður fer lítið fyrir, nú á tímum. Þar mætti svo sannarlega vera meira um Herdísir!.

 Góðar stundir, með kveðju að sunnan.

Ég man ótrúlega vel eftir þeim

On, off, Oh, eða OO?

 Það er rafmagnaður andskoti, að hér í landi þrjú hundruð og eitthvað þúsunda sálna, skuli þurfa að vera til staðar milliliðakerfi, sem rukki fyrir notkun á orkunni, sem þetta dásamlega land á svo mikið af. Framleðandinn má ekki rukka beint, því viðbjóðsleg möppudýr suður í Bulluseli  hafa komist að þeirri niðurstöðu að framleiðendur megi ekki selja afurð sína beint til neytenda. Aðeins spurning hvenær bannað verður að selja beint frá býli, ef "sombíarnir" á Alþingi halda áfram að afgreiða þvæluna frá Bulluseli, með sama andvaraleysi og aumingjaskap, sem þeir hafa gert fram að þessu.

 Hvaða déskotans della er þetta eiginlega orðin? 

 Ef hægt er að selja okkur, eigendum orkunnar, á sem hagkvæmastu verði, hvers vegna er það þá ekki gert beint frá framleiðandanum?. Hvur fjandinn er eiginlega í gangi? 

 Getur verið að verið sé að safna í sjóð, svo leggja megi sæstreng, sem á endanum afsalaði okkur yfirráðum yfir Orkunni Okkar? OO er fínt nafn á raforkusölufyrirtæki, sem við öll gætum átt, því það stendur fyrir Orkuna Okkar! Við eigum Landsvirkjun með húð og hári, en því miður virðist sem það fyrirtæki sé farið að haga sér sem ríki í ríkinu, í skjóli hryðjuverkaskeyta Bullusels til hérlendra ráðamanna, sem tæpast geta talist ráðamenn lengur. Meira svona einhverskonar jáaraaular og amlóðar, sem lítið virðast hugsa um þjóðarhag. Meira svona eitthvað fyrir sjálfa sig og bestu vinina. Það er svo djöfulli gott að þurfa að gera lítið í vinnunni. Feitur eftirlaunatjékkinn bíður, algerlega óháður afkastagetu eða framlagi, til Íslensks samfélags.

 Jakkafataklæddir heildsalar á raforku virka illa á mann eins og mig. Mér finnst ávallt betra að fá hlutina frá fyrstu hendi, en það má ekki lengur, þökk sé Bulluseli og aumkunnarverðum fylgifiskum þess déskotans ófagnaðar.

 Sé þessi frétt aprílgabb, dreg ég ekki eitt einasta orð mitt til baka, í þessu tuði mínu.

 Góðar stundir, með kveðju að sunnan.

Hrista upp í samkeppni á orkumarkaði