Ömurlegur þáttur.

 Það er hreint út sagt pínlegt að horfa á þennan þátt. Spyrlarnir drulluðu í buxurnar í þáttarbyrjun og síðan varð þátturinn að þvaðri, blaðri og frammíköllum. 

 Er þetta þáttur sem átti að auðvelda kjósendum að gera upp hug sinn, í kjörklefunum á morgunn?

 Andskotinn bara, að horfa upp á þetta!!!

 Góðar stundir, með kveðju að sunnan.

Leiðtogarnir tregir til handauppréttinga

Trúfélög, stjórnmálaflokkar og opinberir styrkir.

 Það er ekki laust við að sjóði á manni, við að lesa um svona sóun á almannafé, sem þessi rúmlega fimmtíu milljóna greiðsla er, til þessa skrípasafnaðar. Hvaða jólasveinn sem er, getur samkvæmt þessu, ef hann fær nógu marga vitorðsmenn með sér, lagst á spena alþýðu þessa lands, sem snýkjudýr. Fengið að launum milljónatugi, sem aldrei verða til úr öðru en vinnu launafólks og þeim gjöldum sem á það er lagt, til hins opinbera. Fjármunasóunin innan ríkisgeirans er sennilega svo mikil, að duga mundi fyrir hátæknisjúkrahúsum í öllum landsfjórðungum. Milljarðatugir leka um allt í alls kyns þvælu, eins og þessa. Kerfið er farið að éta sig innan frá, í óskiljanlegu ruglregluverksbulli og embættismannafrumskógi, þar sem smákóngar og kerfissérfræðingar þræða þrönga stigu regluverksins og finna ávallt leiðir framhjá, eða kringum.

 Þetta á ekki eingöngu við um þetta zúzú kjaftæði, eða önnur svokölluð trúfélög, heldur stjórnmálaflokka einnig. Hvers vegna á alþýða þessa lands, að fjármagna rekstur stjórnmálaflokka, í sveita síns andlits? Hvaða endemis rugl er þetta eiginlega? Hvers vegna í ósköpunum á almenningur, með sköttum sínum, að fjármagna stjórnmálaflokka?

 Stjórnmálaflokkar og trúfélög eiga að vera fjármögnuð af þeim, sem vilja fylgja þeim. 

 Ef fólk vill fylgja politískum stefnum, eða trúarskoðunum, á það að taka þátt í rekstrinum, hugsjónum sínum til framdráttar. Ef ekki, getur varla verið um mikla hugsjón að ræða.

 Ef hugsjónin stoppar í buddunni, er lítið varið í málstaðinn. Ef þú tímir ekki að vera kommi eða krati, zúzúzú, kristinn, múslimi eða hvað sem er, ertu hræsnari, því með því hefur þú gefið það út, að það sem þú aðhyllist, viltu að aðrir greiði fyrir. 

 Einnig þeir, sem eru ekki á sömu skoðun og þú.

 Hræsni andskotans og auðvirðileg lífssýn.

 Svona svipað og nauðbeygð áskrift að rúv.

 Góðar stundir, með kveðju að sunnan.

Zuistar gáfu Barnaspítala milljón

Reiknivél Þorsteins er röng!

 Það er undarlegt, hve menn geta farið hratt úr einu í annað. Þorsteinn Víglundsson, sem fyrir skömmu var talsmaður atvinnulífsins, er nú orðinn kerfiskerling helsta dragbýts þess, sem hann "ageteraði" eitt sinn fyrir. Þorgerður Katrín orðin krati, eftir áratuga (einarða) veru í Sjálfstæðisflokknum og stofnandi Viðreisnar kominn út í kuldann. Sjaldan hefur náðst mynd af viðtakendunum meira brosandi, en eftir að Benna var skúbbað á hliðarlínuna, eins og sést jafnvel enn betur á þessari mynd, þar sem hann rétt sést, lengst til vinstri á myndinni, brosandi en greinilega grátandi, að innan. Þetta er nú ekki beysið lið. Hælbýtar og bakstungulið sem notar hvert tækifæri sem býðst, til að níða skóinn, hvert af öðru og skara eld að eigin köku, frama og frægðar. "Tobba best" Hver ætli verði í miðsætinu að viku liðinni? Þorsteinn "meðfærilegi", eða Þorgerður "útumalltdrottningin"?.

 Reiknivél Þorsteins "meðfærilega" er röng. Ástæðan er einföld.:  Það tekur minnst tíu ár að nálgast þessa dellu, ef af yrði. Nú virðist ekkert benda til þess að Íslendingar vilji ganga í esb. Þar af leiðandi er þetta rugl og það veit Þorsteinn, en í aðdraganda kosninga, má að því er virðist ljúga, bulla og láta frá sér fara, hvaða dauðans dellu sem er. Fjölmiðlar sjá síðan um að dæla þessu út, hvaða nafni svosem það nefnist. 

 Frétta og blaðasnápar fjölmiðla þessa lands, eru lélegustu miðlarar frétta sem um getur, frá því orðið "fréttamaður" var fundið upp og starfsskyldur hans skilgreindar. 

 Fréttamenn eiga að segja fréttir. Fréttamenn eiga hvorki að búa til fréttir, sem samrýmast þeirra persónulegu skoðunum, eða taka við ómerkilegum fréttatilkynningum og gera þær að sínum. (Afkomutölur banka þar með taldar) 

 Þegar fréttamenn falla í þessa gryfju, eru þeir ekki lengur fréttamenn. Þeir verða að enn einum bloggaranum, eins og aulanum mér, sem fáir taka mark á lengur, enda lítið annað en tuðari og þverhaus, gasprandi á hliðarlínunni í eilífðar óánægju, um allan fjandann. Hjáróma rödd í einskismannslandi.

 Góðar stundir, með kveðju að sunnan.

 

Viðreisn sýnir spilin

Auðlindir og auðlindagjald.

 Sjávarútvegurinn er eina atvinnugrein Íslands, sem greiðir auðlindagjald af starfsemi sinni. Hvorki ferðaþjónustuaðilar, norðurljósaseljendur, málmverksmiðjur, eða aðrir, sem gera sér sameign þjóðarinnar að féþúfu, er gert að greiða auðlindagjald.

 Hvað ætli valdi því?

 Sennilega er öfund og málefnaþurrð öfundarafla, kratískra og sósíalískra, sem dreymir um jafnaðaraumingjagang til handa alls landslýðs, undir sívakandi og alltumlykjandi yfirstjórn embættismanna og ríkisvalds, helsta skýringin, að mínu mati. Ef þér gengur vel, skaltu fá að blæða fyrir, andskotinn þinn. Allir skulu hafa það jafnskítt, á meðan "elítan" fitnar og dafnar á endalausum áróðri um meðalmennskuþjóðfélag, þar sem frumkvæði og dugnaður er dauðasök og skal skattlögð til andskotans. 

 "Allur fiskur á markað" er einn frasinn, sem bylur á samfélaginu í umræðu um fiskveiðistjórnun og "þjófnað kvótagreifanna" á "sameign þjóðarinnar". Frasi sem notaður er jafnoft orðið og "innviðir" í þeirri ömurlegu kosningabaráttu, sem nú ríður röftum, næstum þremur árum fyrr en hefði átt að vera, því dúkkulísur úr ranni gnarrsins fannst að sér vegið og fóru í fýlu. Gjörsamlega ótækt afl vælukjóa og kverúlanta sjálfselskunnar. Kvótakerfið er fjarri því fullkomið og margt sem þar má betur fara. Það má nánast endalaust gera betur, en það má ekki draga úr löngun manna og kvenna, að gera betur. Þeir sem ætla sér hinsvegar að starfa þar, þurfa öryggi. Hvaða vit er í því að fjárfesta eitt ár fram í tímann? Það gerir ekki ein einasta viti borin manneskja. "Allur fiskur á markað", er rugl. Til að veiða fisk, þarf skip. Skip eru ekki ódýr. Það kaupir enginn skip, eða leggur fjármuni sína í fiskvinnslu, með eins árs plan í farteskinu, því allt skal ávallt "á markað". Er ekki frjáls markaður eitur í beinum krata og komma? Hvers vegna í ósköpunum er fiskurinn það eina sem skal á markað? Er náttúra og víðlendur Íslnds ekki sameign þjóðarinnar? Helsti vaxtarbroddurinn í uppgangnum, ásamt makrílnum. Hvers vegna í ósköpunum eru náttúrusölumönnum ekki gert að greiða auðlindaskatt af sinni starfsemi og það strax? 

 Þetta skilja ekki sósíalistar og kratar, enda skilja þeir ekki hagfræði 101. Hagfræði 101 er nefnilega það sem vantar í kratískan og sósíalískan hugsunarhátt og gerir krata og komma að krötum og kommum. Til að geta eytt peningum, þarf fyrst að afla þeirra. Er hægt að orða þetta skýrar? Af einhverjum ástæðum skilja kratar og kommar þetta aldrei og það gerir þá að því sem þeir eru. Vilja allt, án þess avo mikið sem hugsa til þess, hvaðan allt kemur.

 Þegar fjármagn þrýtur, verður ekki endalaust hægt að prenta peningaseðla. Það kerfi fellur að lokum inn í vakúm, sem endar á sama hátt og kommúnisminn og nú síðast, kratisminn, í ömurlegu embættis og valdsmannskerfi Evræpusambandsins, sem eru á sama "level"og Sovétríkin og Venezúela.

 Að á Íslandi skuli enn finnast fólk, sem dreymir um fullveldisafsal til blýantsnagara í Brussel, því draumur þeirra eru feitir bitlingar og skattfrjáls laun, við blýantsnag, er ömurlegt. Aumustu drullusokkar lýðveldisins, sem sumir hverjir fengu jafnvel afskrifaðar skuldir, sem námu árslaunum þrjú hundruð verkamanna, þykjast nú þess umkomin að ætla að "redda" málunum, með annara manna peningum.........aftur.

 Góðar stundir, með kveðju að sunnan.

Vel skiljanleg ráðstöfun.

 Það er vel skiljanlegt að veitingahús taki upp þetta fyrirkomulag. Það felst ótrúlegt virðingarleysi í því að panta borð á veitingastað og mæta síðan ekki, jafnvel án þess að afbóka tímanlega. 

 Góðar stundir, með kveðju að sunnan.

 

Ekki hægt að bóka borð og mæta ekki

ANDSKOTANS Skoðanakannanir !

 Biðst innilega forláts, á mjög svo "ódannaðri" fyrirsögn, en nú er svo komið, að jafnvel tuðarinn er alveg búinn að fá nóg af því, hve svokallaðar "skoðanakannanir" spila stóra rullu í kosningabaráttunni.

 Hringt er í nokkur hundruð hræður og niðurstöðunni varpað út í loftið, "med det samme". Fréttamenn hafa ekki einu sinni fyrir því lengur að tilgreina, hve margir voru spurðir, hve margir tóku afstöðu, eða neituðu að svara. Síðan veður fjölmiðlaliðið í stjórnmálaforingjana, sem ýmist tárast af gleði, eða falla saman, í "varnarsigri" yfir fylginu eða hruninu og umræðan snýst ekki um neitt annað en ANDSKOTANS skoðanakannanir. Samkvæmt þessum déskotans könnunum eru fjölmiðlar búnir að mynda næstu ríkisstjórn, svona að mestu, með endalausum endurtekningum á niðurstöðum einhverra kannana.

 Ég er kjósandi. Ég vil fá upplýsingar um hvað frambjóðendur og flokkar hafa fram að færa. Ekki endalaust blaður og froðu fréttamiðla og manna og kvenna, sem gaspra og gapa eftir könnunum.

 Blaða og fréttamennsku hefur hrakað gífurlega. Fréttamenn virðast, í allt of miklum mæli, vera orðnir páfagaukar, eða annað þaðan af neðar í IQ. (Greind)

 Áreiti er mikið í umræðunni þessa dagana og hefur kynferðislegt áreiti verið þar mest til umræðu. Illvígt áreiti, sem hárrétt er að kveða í kútinn, með öllum ráðum.

 Kjósendaáreiti er einnig slæmt og kominn tími til að fjölmiðlar átti sig á því og drullist til að gerast fjölmiðlar á ný, en ekki haga sér eins og ömurlegustu kynferðisáreitisbjálfar, gagnvart kjósendum.

 Kjósendur eru fólk, sem á skilið að við þá sé rætt af fréttamiðlum á jafnréttisgrundvelli, en ekki könnunum, sem "einhver" framkvæmir.

 Girðið ykkur í brók.

 Taki til sín, sem eiga.

 Góðar stundir, með kveðju að sunnan.

 

Kjóstu og þú kemst í partý!

 Skínandi gott framtak og vonandi til þess fallið, að fleiri yngri kjósendur noti atkvæðisrétt sinn. Átti sig á því að verið er að kjósa um framtíð þeirra, meðal annars. Ungt fólk getur nefnilega haft heilmikið að segja, um framtíð sína, ef það mætir á kjörstað.  

 Tuðarinn er hinsvegar hugsi yfir því, að ekki sé lengur hægt að koma kjósendum á kjörstað, nema með boði í partý. 

 Partýið er kosningin sjálf og ef fólk nennir ekki að mæta, nema fyrir gylliboð um veislu, fría drykki og "sjálfur", er illt í efni.

 Góðar stundir, með kveðju að sunnan.

Kjóstu til að komast í kosningapartý ársins

Uppskrift að Stjórnarskrárbreytingaferli?

 Eftir lestur þessarar fréttar, er ekki laust við að maður sé hálf orðlaus. Viðreisn vill ganga í esb. Viðreisn vill henda Krónunni og láta bjúrókrata og blýantsnagara í Brussel sjá um að stjórna Íslandi. Til þess þarf Stjórnarakrárbreytingu. 

 Hvernig Viðreisn tekur á sínum innri málum, í aðdraganda kosninga, ætti að upplýsa allan almenning um gagns og getuleysi þessa stjórnmálaafls. Stjórnarskráin fengi sennilega sömu útreið og þeirra eigið regluverk. Virðingar og svíðingshátturinn alger, þá er haga skal málum þannig, að henti tilteknum einstaklingum.

 Væri ekki vel til fundið, á þessari stundu, að Viðreisn og Samfylkingin sameinuðust í einn allsherjar fíaskóflokk? Þar gætu sameinast í eitt, ömurlegustu niðurrifsöfl landsins, gegn sjálfstæði Íslands og alþýðu landsins. Hinn fullkomni sjálfstæðisafsalsflokkur, tækifærissinna og fjölflokka fýlupúka.

 Góðar stundir, með kveðju að sunnan.

Breyttu samþykktum fyrir nýjan formann

Til hamingju Ísland!

 Sá sem séð hefur til þess, að seldar hafa verið flestar eignir almenns verkafólks, á kjörlendum hrægammanna, er enn í framboði. "Vinur" Íslenskrar  alþýðu, sem hafnaði meðlöndum sínum og bæði hafnaði og meðtók esb á korteri. Allt fyrir stól. Reyndar heilt sófasett. Gaf eignasöfn föllnu bankanna til hræætanna, er efstur á lista í norðaustur. Vei Íslenskri alþýðu, sem kýs þennan forpokaða þræl auðvaldsins yfir sig og telur hann málsvara sinn.

Leyndarhyggjudraug, sem lokar öll sín óhæfuverk undir hundrað ára leynd. Hvað hann hefur að fela, veit enginn, fyrr en eftir hundrað ár. Greinilega sama um hvort Íslandssagan setur hann með Hansakaupmennum eða öðrum óþjóðalýð, enda allir löngu dauðir þegar leyndarmálið verður upplýst. Brýnir fyrir sig fagurri konu í framsætinu, sem fáu svarar, öðruvísi en með brosi, bulli og andskotans þvælu, með dassi af populismarugli líðandi stundar og .......tja, ég veit ekki hvað. Sjötíu milljarða aukatekjum utan úr geimnum? Þvílík mannvitsbrekka.

 Allaherjarráðherrann fyrrum, mættur aftur, með þjóðfélagsniðurrifsöflin í bakpokanum, sem hann mun þó ekki taka upp úr, fyrr en eftir kosningar. Ömurlegasti stjórnmálamaður Íslandssögunnar (ásamt gránu) brosir, þá er hann gengur gegn hagsmunum þjóðarinnar á sínum tæplega fjörtíu ára ferli, á Alþingi. 

 Hverju hafa  Þistilfjarðarkúvendingurinn og hans meðreiðarsveinaar og prímadonnur áorkað, fyrir Íslenskt efnahagslíf, Íslenska alþýðu, frá því hann tók sæti á Alþingi, fyrir hartnær fjörtíu árum síðan? Jú, þúsundir heimila í rúst, olíuvinnsluleyfi norðaustur úr landinu, loftárásum á Lýbíu, og hriplekum göngum gegnum Vaðlaheiði, auk stóriðju á Bakka.

 Þistilfjarðarkúvendingurinn hefur enn á ný, læðst úr læðingi, eins og refurinn á Ströndum. Kemur sjaldnast fram sjálfur, en notar fögur fljóð og bull sem hentar, sér til framgangs. Af og til, þegar hentar, næst í hann, en ekki nú um stundir. Flagðið verður helst að leynast, því annars er hætt við að skríllinn sjái gegnum innrætið.

 Þúsundir fjölskyldna misstu heimili sín og lífsviðurværi, eftir Hrun. Hrunið var orsök ístöðulausra stjórnmálamanna og lélegs eftirlitskerfis. Hrunið varð á vakt Sjálfstæðisflokksins og Samfylkingarinnar. Hugsandi menn, innan Sjálfstæðisflokksins forðuðu okkur frá algeru hruni, þegar staðan var ljós, en voru dæmdir fyrir, fyrir tilstilli enn ömurlegri stjórnmállamenna, sem sátu hjá og aðhöfðust fátt ef nokkuð, meðan á Hrunadansinum stóð.

 Það sem draga má saman af  þessu öllu, hefur ekki enn verið dregið saman, eða gert upp við. Annað hefur verið læst inni, næstu hundrað árin. Geir Haarde og hans fólk minnkaði skaðann með neyðarlögum og skynsamlegum aðgerðum, eftir að ljóst var hvernig komið var.

 Færustu efnahagssérfræðingar landsins, auk erlendra, höfðu teiknað línuna, hvernig best væri að sjá um framhaldið, úr því sem komið var. Frysta vísitöluna og fleira.

 Kosið og "snillingnum" úr Þistilfirðinum fengin öll völd, til að tortýma Íslenskri alþýðu á altari hrægammanna. Nánast allt gert gegn vitrari manna ráðum. Nú átti sósíalisminn heldur betur að sýna hvað í honum bjó!

 Í stuttu máli snérist "Skjaldborg heimilanna" upp í það að rústa heimilunum og afhenda eignasöfn föllnu bankanna til hrægammanna. Fengu söfnin á hrakvirði, sem þeir síðan innheimtu á hundrað prósent, með "gríðarlega "góðum"árangri.

 Megi þeim sem að því stóðu, með sína feitu bónusa, svelgjast einn daginn á upphefð sinni og vonandi kafna. Verði þeim að drullu og skít og helst ævarandi iðrakveisu og steinsmugu.

 Til hamingju Steingrímur Jóhann Sigfússon, með að vera enn á ný svo gersamlega veruleikafyrrtur, að taka sæti sem eggvopn fjármagnseiganda í Norðurlandskjördæmi Eystra.

 Nú má alþýða Íslands heldur betur vara sig!

 Góðar stundir, með kveðju að sunnan.

 

Steingrímur skipar efsta sætið

Verðskuldað númer á bakinu.

 Jón Daði var stórkostlegur í kvöld og Eiður Smári má vera stoltur af arftaka númersins. Báðir flottir í ótrúlegri velgengni landsliðs Íslands. Flottir, flottir, flottir!

 Mikið svakalega var gaman að sjá samstöðu ellefu Íslendinga (og samstarfsfólks) tjarga hrokann í Tyrklandi í kvöld!

 Góðar stundir, með kveðju að sunnan.

„Má bera nr. 22 á bakinu for life fyrir mér“